適逢10月,又到左食大閘蟹嘅季節啦~☺️
今年多左好多間餐廳都做緊大閘蟹優惠~
其中小編就幾欣賞「利寶閣」嘅2小時任食大閘蟹放題,
由原價每位$798減至$468,
而家仲做緊網上預訂優惠,
早2日經網上訂位,仲可額外享每位減$40優惠,最平$428就食到~抵喎!😎😎
大閘蟹放題推出由10月7日至12月6日,
提供嘅大閘蟹由日本直送,
連北京片皮鴨、生炒糯米飯、甜品等都係任食!
每位更加送蠔皇原隻七頭鮑及原盅花膠燉湯~
好豐富呀!😍😍😍
當日去嘅時候真係好多人,差不多滿座!
甫入座,店員就會陸續地送上食品,不過,
‼️小編建議大家一定要先order 大閘蟹,
因為全部大閘蟹都係即叫即烹調,
製作時間需15-20分鐘,
Order完再慢慢食其他野都未遲!
原盅花膠燉湯
都幾足料,湯頭清甜~
蠔皇原隻七頭鮑
鮑魚燜得入味,口感軟滑~
冬菇大隻得黎又夠厚,菇香十足!
要講吓主角大閘蟹啦!
每位敬送8年太雕醉蟹一隻,
再追加就要$20一隻,
小編係覺得諗得過嘅!😏
因為「利寶閣」大閘蟹斤両十足,
每隻公蟹約重4兩,母蟹則約重3兩,
肉質都幾肥美,膏腴豐滿!
平時食一隻3-4両嘅大閘蟹都要$4x以上一隻,
而家$20/隻(外賣一隻原價都要$128/隻,7折之後都要$88 /隻),
仲要經過8年太雕酒一齊熬煮,食嘅時候啖啖酒香,真係好正!☺️
所以話,追加真係好抵食!🌟推薦❗️
放題包嘅大閘蟹有3款烹調方法可選:清蒸、花雕蒸、鹽油焗,
每款皆有不同風味,
小編就最欣賞鹽油焗口味!
鹽油焗嘅蟹肉略帶鹹香,重口味嘅人之選!😂
清蒸可以嚐到大閘蟹嘅原汁原味,
花雕蒸嘅蟹肉微微帶出酒香。
大閘蟹放題以外,
仲有北京片皮鴨生炒糯米飯、中式甜品等任食,
啱晒大胃王啦!😏
北京片皮鴨要排隊出去拎嘅,
如果啱彩數,仲有機會排到一隻鴨髀!好幸運呢~❤️❤️
鴨肉香而不膩,所以我都拎左兩三轉!☺️
唔夠飽,仲有生炒糯米飯可任食,一定可以食到飽!
食完正餐,梗係唔可以錯過任食甜品啦!
有楊枝甘露、蛋白杏仁茶、薑汁千層糕、千層紅棗糕、桂花糕、薑茶湯丸等,
小編最欣賞「利寶閣」嘅糕點,
之前成日黎飲茶都會必食紅棗糕!
口感煙韌,棗香十足!
享受完大閘蟹,
最後梗係要飲返碗香濃薑茶驅下寒啦!食大閘蟹必備!
地址:
📍利寶閣 (觀塘)
觀塘開源道79號鱷魚恤中心9樓
📍利寶閣 (尖沙咀)
尖沙咀彌敦道100號The ONE 17樓
📍利寶閣 (大角咀)
大角咀海庭道18號奧海城二期商場UG01號舖
📍 利寶閣 (銅鑼灣)
銅鑼灣波斯富街99號利舞臺廣場21字樓
Facebook專頁:Star of Canton 利寶閣
網址:starofcanton.com.hk/
供應日期:即日起至12月6日
供應時段:星期一至日及公眾假期(晚巿6pm-10pm任選2小時)
價錢:$468/ 每位 (2位起)
網上預訂優惠價:$428/ 每位,必須兩日前預訂
備註:
- 每位加一服務費 成人、長者、小童 $46.8
- 茶水每位 $17.6
優惠條款及細則﹕
1)網上訂購(按此),即享每位減$40優惠
2)優惠由即日至 12月6日為止
3)需二人同行方可享用以上優惠
留言
張貼留言