住左鑽石山十幾年,
竟然冇發現到新蒲崗工廈中原來有間文青咖啡店—「Coti the Bistro」~
咖啡店簡樸嘅門口隱身於蔚藍色嘅工廈中,
裏面嘅裝潢走田園風嘅小餐館路線,
令人感覺份外休閒舒適~😌😌
小編黎嘅時候正值星期六,
冇諗過星期六都咁多人幫襯,
相信食物都有一定嘅質素!
星期一至日都有All Day Menu,
前菜+主食+飲品,$65起,都幾抵食!👍🏻
星期六、日更有weekend brunch~
套餐可配是日餐湯或沙律,
是日餐湯為南瓜🎃忌廉湯,絕對係小妹杯茶,
味道不錯👍🏻。
沙律都幾豐富,
有沙律菜、青瓜、車厘茄、香橙等。
🌟推薦❗黃金蟹肉意粉($86)
其實係鹹蛋黃和蟹肉配搭嘅意粉,幾新穎嘅配搭喎!
意粉賣相不錯,有原個蟹蓋罩住先,
鹹蛋黃鹹香味美,恰到好處,
又不會蓋過蟹肉嘅鮮香,值得一試!😋
天氣漸轉冷,食羊膝就啱晒啦!
🌟推薦❗ 法式燉煮羊膝($128)
牛膝食得多,羊膝就第一次試,竟然喜出望外!
羊膝一啲都唔會羶,
羊肉煮得腍滑入味,肉質柔軟又多汁,
吸晒紅酒嘅精華,暖胃又暖身!必試之選!
不過如果有得揀配飯或意粉或薯菜會更好!
見到餐廳嘅Drink Menu有好多好特別嘅signature coffee,真係忍唔住好奇心要試下~
跟餐嘅話,半價即係加$24就得啦!
奶醬啡(原價$48)
冇諗過奶醬同咖啡☕️可以混為一體~
每一啖鮮奶咖啡都會沾着杯邊嘅花生和朱古力醬,
味道真係幾有趣!
🌟推薦❗天然蜂巢咖啡(原價$48)
鮮奶、咖啡、蜂巢3件頭上枱,
可以自己倒入咖啡,幾好玩~
Btw,蜂巢咖啡真係好正,甜甜嘅~
🌟推薦❗手撕蟹肉牛油果他他($91)
原個牛油果切開左分開兩邊,
裏面擺左手撕蟹肉他他入去,
軟滑嘅牛油果,配上酸甜醒胃嘅蟹肉他他,好開胃,
旁邊仲有沙律菜和兩個夾得香脆嘅牛角包💯
地址:
Coti the Bistro (新蒲崗)
新蒲崗五芳街31-33號永顯工廠大廈地下C號舖
營業時間:
星期一至五:8:00-21:00
星期六、日:11:30-21:00
留言
張貼留言