食過咁多間日式火鍋放題店:牛涮X、牛X涮涮鍋、牛X,
性價比最高嘅一定係非「大將」莫屬!😎
其實小編已經係第二次黎幫襯,
因為真係好正好抵食!
「大將」有好多款套餐選擇,價錢每位由$158起,
90分鐘放題,算係幾抵食!
餐廳裝潢走日式時尚風格,
環境好寬敞,簡潔整齊,
座位全部都係卡座位,坐得舒適。
小編上次食過美國🇺🇸特上牛肉($188/位),覺得相當唔錯,
今次見到仲有沖繩期間限定—沖繩石垣牛和山原島阿古豬,簡直係思鄉必選!😏
牛魔王一定要揀沖繩石垣牛啦!
沖繩石垣牛有咩咁正?
係日本🇯🇵沖繩縣石垣市及八重山群出産的黑毛和牛品種,
脂肪融化溫度比其他品種低,以鮮嫩口感著稱。
揀完沖繩石垣牛($368/位)
仲可以揀埋升級湯底—松葉蟹味噌湯和山葵鹽骨膠原雞湯,正!☺️
個人黎講,最鍾意都係松葉蟹味噌湯,
味道比較突出,清新鮮香,
配松葉蟹腳($60/份)就啱啦!
蟹腳係急凍嘅,所以鎖住晒松葉蟹嘅肉汁和鮮味,正!👍🏻
而山葵鹽骨膠原雞湯相對地比較清淡,
山葵味唔會真係好wasabi,反而加幾分清香,膠原感十足!
送餐仲有機械人為我地服務,幾盞鬼!😏
石垣牛霜降油花分佈均衡,
肉質紋路細緻,
清爽中帶有甘甘甜嘅濃郁香氣,
令人無法抗拒~~~❤️ おいしい~😋
一定要無限encore!食到翻本!
五花肉皮爽肉嫩,
特選雞腿肉嫩滑,不錯吃!
除咗肉類之外,
其他火鍋配料都可以係自助區自己拎,
不過記得要戴口罩😷出去呀!
保護自己,保護他人。
自助區好大,選擇多元化~
先講醬汁,
除咗有傳統中式火鍋嘅醬料如醬油、醋、蒜、辣椒🌶️、蔥、芫茜等,
仲有自家製椰子芫茜汁、味噌芝麻汁、麻辣紅油、韭菜醬油,
重口味嘅必試味噌芝麻汁,真係好惹味,
如果鍾意原汁原味,柚子昆布就最啱啦!
前菜有煮茄子、柚子黃瓜漬、拌菜、炒雞、一口和牛卷、鯛魚燒等,
🌟推薦❗ 炒雞炸皮薄,厚肉嫩滑;一口和牛卷啖啖肉,不錯吃!
蔬菜區有生菜、白菜、蘿蔔、萵筍、粟米、蕃茄、蓮藕、菇類等;
其他配料如牛丸、仿海膽包心丸、魚形嘅魚蛋、龍蝦丸、芝士腸、芋絲等,
款式多,質素好!👍🏻
🌟推薦❗芥末魚籽丸魚肉外皮,魚籽混入香甜沙拉醬內餡,美味可口。
🌟推薦❗炙燒芝心丸
外層係用新鮮魚肉打成嘅魚漿,
食落爽彈而不油膩,
烘焙成金黃色份外香脆可口,
由車打芝士與忌廉芝士混合嘅雙重芝士餡料味道香濃,
一咬爆漿帶來雙倍滋味和口感~☺️
🌟推薦❗貢丸
平時唔太鍾意食丸嘅我,
不得不讚「大將」嘅貢丸,
肉感十足,爽口美味,不過要小心,多肉到好容易痴牙。😂
🌟推薦❗年糕福袋
腐皮吸盡火鍋湯汁,加上裏面煙煙韌韌嘅年糕,正!
平時食一個都要$1X,而家任食真係好抵食。
粉麵有日本葛粉、出前一丁、烏冬、年糕等,
最欣賞係日本葛粉,食落煙煙韌韌,🌟推薦❗
飲品方面,
除咗有汽水、咖啡、茶,
仲有多款鴻福堂枝裝飲品。
打完邊爐,
仲有日式甜品、自製坎飯和窩夫作甜品,
再係自助雪糕機吱個雲呢拿或朱古力雪糕🍦襯托下,
完美嘅總結!👏🏻
地址:
大將 (將軍澳)
將軍澳唐賢街9號PopCorn商場1樓F10號舖
營業時間:
星期一至五:11:30-16:30,17:30-23:00
星期六、日及公眾假期:11:30-23:00
留言
張貼留言