近年,🍲火鍋店開到成行成市,
尤其以🐔雞煲和主打海鮮🦀的火鍋店為最普遍。
位於旺角的「鮮入圍煮」自開業以來,一直廣受火鍋迷青睞,
剛開業時,最高峰期是book一個月後,🙊😆
不過既然小妹話想試,當然要盡洪荒之力啦!
今次早兩星期book就得左啦!😏
「鮮入圍煮」裝潢設計成六、七十年代的懷舊街市,
設立了琳琅滿目的海鮮檔、肉檔和菜檔,
讓客人有如置身於街市旁的大排檔吃火鍋一樣,
可即場揀料,即點即切即烚即食,別具特色。😳
而海鮮檔、肉檔和菜檔也絕非虛有其表,
所有材料一律是當日最新鮮靚貨,
游水生猛的海鮮、新鮮肉類和時令蔬菜,
務求達至真正的「鮮入、圍煮」。😎
時日海鮮類種類繁多;
有蟶子皇、大蜆、海中蝦、花螺、美國桶蠔、南非鮑魚、龍蝦等,
象拔蚌更能做成刺身呢!😍😍😍
餐廳面積頗大,環境簡約而整潔,
餐桌全都是大排檔的圓檯圓凳,
保留傳統大排檔環境和風味,
牆上還有仿照曾灶財墨寶的書法寫成的餐廳介紹,感覺很香港地~🇭🇰
「鮮入圍煮」供應15款傳統或獨家湯底,😯
而其中最具特色的是火焰雞煲蟹粉鍋、豬肚胡椒雞湯、花雕醉雞湯鍋、濃厚原隻雞煲花膠湯、招牌海鮮入圍煮湯、川芎白芷魚頭湯等。
小妹就最為滋補,所以便選了店家人氣之選-濃厚原隻雞煲花膠湯,
雞煲花膠湯有(大)$328,有(細)$238 ,
不過只有我們倆食,所以點(細)就夠晒數啦!😌
雖然是(細),但卻十分足料!
煲內除了有半隻🐔雞外,還有多件大大塊的花膠,😍
上枱後,店員還會貼心地把雞剪開一件件,方便食客食用,
雞肉肉質嫩滑唔嚡口,又入味,
花膠滑嘟嘟,滋潤又養顏!😌
加其他配料前,先喝一口湯頭,
膠原感重,微微散發着雞的鮮味~不會太油膩,不錯啊!😙
喝過湯後便可以開始火鍋了!🤗
吃火鍋前先混個醬(人頭醬料費$10),
基本調味料:生蒜、熟蒜、蔥、辣椒、豉油都有。😏
小妹打邊爐必點的怎少得牛肉~🙊😂
而我們挑選了最便宜的手切安格斯牛肉($158),
雖然最便宜,但性價比頗高!😏
牛肉色澤紅潤,紅白相間,不肥不瘦剛剛好,👍🏻
口感幼嫩,牛肉味香濃,正正子!😎
脆肉鯇魚片($58)
脆肉鯇十分新鮮,肉質鮮味爽脆~
蟹子墨魚滑($78)
雖然蟹子不多,但勝在墨魚滑大大份,
涮熟左之後又夠爽口彈牙,值得一試!👍🏻
皇帝菜($32)
皇帝菜係火鍋店並不常見,
小妹最愛那鮮香嫩脆的口感,
而且營養價值豐富,不錯啊!
原粒帶子水餃(4粒)($48)
一客水餃有四隻,隻隻都皮薄餡多,
除了豬肉外,每隻還吃得到數粒有嚼勁的小柱,
抵食又美味! 😋
新鮮淮山($35)
淮山本身無乜味,但容易吸湯,
所以吸晒鮮甜的花膠雞湯,入味又爽口~
值得一提的是,
雖然我們當日最後都沒有點選海鮮,
但我們卻非常眼紅隔離枱的花竹蝦,👀
因為有成半隻手臂咁長,好誇張呀!!!
但我地已經飽晒啦,唯有下次啦。🙊😂
飲品方面,
汽水、啤酒、茶、健康飲品都有,
汽水還是支裝的呢,夠晒原味!😍
整體來說,
「鮮入圍煮」不論在湯底或配料方面都相當有水準,👍🏻
打邊爐愛好者不可以錯過呀!😏
地址:
鮮入圍煮 (旺角)
旺角登打士街43H號登打士廣場2樓
營業時間:
星期一至日:17:30-03:00
留言
張貼留言