平價$288食龍蝦，嘆海鮮自助晚餐😎

小編之前去過大角咀嘅九龍珀麗酒店食過幾次自助餐，

因為價錢幾抵食，周不時有優惠，

而且食物質素又唔錯，

咁啱有親戚係加拿大返黎，

餐廳又做緊海鮮自助晚餐優惠，

所以就帶佢地黎食啦～

早10天前預訂，

平日就可以優惠價成人＄288或小童及長者$208享用原價＄368的自助晚餐，仲要包埋一，好抵呀！😍👏🏻

5天內book枱，都可以有8折優惠。

餐廳環境以簡潔的白色為主，

人數較多會被安排坐到私人梳化位，

中間的餐桌都有適當的距離，

不會太逼迫，出入攞野食都幾方便。

光猛燈光令食客可看清楚食物的模樣和整潔度，

去食自助餐最怕環境昏暗，

連食物的新鮮度都睇唔到，

而「協奏坊」在環境上就給我良好印象。

這裡的☕️熱茶咖啡都是可以任飲的，

其他汽水、果汁都要額外收費＄28。

還有🍺1664生啤供應，＄48杯，價錢都算合理。

今期九龍珀麗酒店的海鮮自助晚餐主打海鮮薈萃，

每人可獲贈半隻波士頓龍蝦配芒果沙沙，

已開邊熟龍蝦，蝦頭帶蝦膏，

龍蝦肉質鮮甜，蘸上酸甜開胃嘅芒果沙沙一起吃，鮮味更突出呢！😜

由於係冬季關係，

酒店還推出一系列不同國家嘅特色地道煲仔菜，

為冬日添上絲絲暖意。 ☀️

羊腩煲嘅黑草羊腩軟腍入味！

來自馬來西亞的肉骨茶香濃甘香，

浸煮過的肉排和腩肉肉嫩腍滑，

蘸上黑豉油後更能突出肉骨的清甜，味道幾正宗。

胡椒蟹煲嘅肉蟹厚肉惹味！

食自助餐梗係要睇下海鮮新唔新鮮啦！

海鮮吧上放了幾盤滿滿的海鮮小山丘，

種類都唔少，

有麵包蟹、鱈場蟹腳、石蟹、藍青口、大蝦和秘製醬魷魚等，

最令我欣賞♥️嘅一定係長腳蟹腳，🦀

剪開之後啖啖肉，鮮甜美味，食到停唔到口！😋

第二最愛莫過於充滿膏蟹嘅蟹蓋啦！

蟹膏豐腴滋味，必試呀！👍🏻

蟹件蟹肉豐厚，不錯吃！

沙律方面，

有凱撒沙律、油醋沙律可選擇，還有多種配料如粟米、蕃茄、菠蘿等可自由添加。

其他前菜小吃都以精緻嘅玻璃杯或小匙盛起，

有芒果蟹籽沙律、火腿配蜜瓜等，

款式都不少。

刺身、卷物和壽司吧

刺身款式不多，每天有3款，

而當日我們有三文魚、吞拿魚和希靈魚，🐟

刺身都算新鮮，

吞拿魚雖不肥，但勝在沒有筋，

希靈魚魚春卜卜脆，入口爽滑。

卷物和壽司種類，大概有10款，

有三文魚、北寄貝、三文魚、鰻魚、腐皮、玉子、蟹柳、鮑魚片等，

壽司味道不俗，

飯不會太硬，魚生部分都幾新鮮。

熱葷選擇多樣化，

這款蒜蓉粉絲蒸龍蝦箝是最吸引derrr!♥️

蟹箝預先拍鬆，勁方便就可取出原條龍蝦肉，

蝦肉彈牙惹味，

粉絲吸收龍蝦嘅鮮甜和蒜蓉嘅香氣，簡直係美味得無可挑剔！👍🏻😋

鵝肝多士

多士烤得香口，鵝肝豐膄甘香，不錯吃！😊

越式牛肉湯河

湯底既甜且濃，有陣陣九層塔的香氣，

配以洋蔥、辣椒等，味道幾正宗。

生牛肉片微紅，浸一浸熱湯剛好夠熟，入口嫩滑不嚡。

其他還有春卷、吉列炸蝦、咖喱角等，

放了長時間都能保持着香脆口感，都算不錯！

甜品也有很多選擇，

傳統蛋糕有藍莓芝士蛋糕、迷你泡芙，

還有新穎的白皮明月冰卷。

其中，朱古力蛋糕最得我歡心，😙

朱古力味濃，Mousses軟滑。

焦糖燉蛋香甜軟滑，

裡面藏着不少雲呢拿籽，真材實料！😯

綠茶迷見到綠茶大福，當然不可錯過啦！

綠茶cream餡creamy，都幾好食！

生果吧有西瓜、哈密瓜和菠蘿🍉🍈🍍。

食自助餐，當然少不了雪糕啦🍦！

與眾不同的是，

「協奏坊」所供應的是坊間不常見的Movenpick雪糕，仲有4款口味呢！😳

平時食一杯都要$30，食多幾球就返晒本啦！😂

旁邊仲有棉花糖、杏仁片等可自由添加，

可增添雪糕口感。

整體來說，

「協奏坊」的食物、環境和服務質素都很有水準，

海鮮新鮮，熱葷款式多，甜品又精美，

價錢又夠平，成日都做優惠，

絕對值得食過返尋味！👍🏻

地址：
協奏坊西餐廳 (大角咀)

大角咀大角咀道86號九龍珀麗酒店2樓

營業時間：
星期一至日 06:30-23:00