同gym友係附近做完yoga,
就係附近搵食。
咁岩見到有間泰國🇹🇭菜老字號「新泰東南亞餐廳」嘅分店,
就入去補充返體力啦!😂
想一次過試晒所有小食,最好就叫拼盤($198)啦!
有蝦餅、魚餅、春卷、肉碎生菜包,
款式和份量都算多~
炸蝦餅新鮮熱辣炸好,脆炸彈牙,
蘸上泰式辣醬,簡直無懈可擊嘅組合!😍
魚餅魚香味重,
春卷外皮炸得香脆可口,蔬菜餡有點dry,
如果多d肉碎會惹味d~🙊
生菜包相對地做得比較出色,
肉碎微辣惹味,加埋爽脆生菜,正!😋
串燒($88)有雞、牛、豬,
全部肉質都唔會太乾身,嫩滑多汁,
蘸上秘製沙嗲醬,幾惹味!
泰式蝦炒金邊粉($98)
用蛋網包着整個金邊粉,賣相誘人~
金邊粉炒得乾身,
質感帶點彈牙,甜中帶酸,
加上多種配料如香菜和鮮蝦等一起炒,口感豐富!😋
馬拉盞通菜($72)
新鮮通菜口感爽脆,
馬拉盞夠晒惹味!
最後,梗係要食返個泰式甜品啦!
我地要左泰式甜品大拼盤($148),
可以一次過滿足晒所有人嘅願望~😂
比較出色嘅係芒果糯米飯,
暖笠笠嘅糯米飯上蓋滿椰漿,
白糯米軟糯,黑糯米有咬口,加上香甜芒果,
食落幾有層次感~
千層糕望落層次分明,食落有淡淡椰香,
但口感則略為遜色,
太腍啦,無左個煙煙韌靭嘅口感。
其他嘅糕點味道和口感都有點古怪,唔係小編杯茶。🙊
可能散叫芒果糯米飯會更好~🙊😏
地址:
新泰東南亞餐廳 (灣仔)
灣仔盧押道20號其康大廈地下3號舖
營業時間:
星期一至日:12:00-00:00
留言
張貼留言