同媽咪係廣華醫院探完病,
就打算係附近搵食。
旺角伏食居多,😂
不過聽朋友介紹,
呢到最近開左間西餐廳—「JC Room」,
食物幾有水準,就黎試下。
即使平日晚上都坐滿食客,😯
可見有返咁上下質素,先有咁多捧場客。😏
餐廳除了多款小食如洋蔥圈、炸雞翼、鵝肝多士,
還有多款set dinner選擇,
如薄餅、意粉、意大利飯、漢堡和扒類等,
套餐包湯或沙律和餐飲,
價錢由$198起,
另外亦有提供44-50oz嘅澳洲M5和牛斧頭扒,
🐮牛魔王點可以錯過!?
不過今日我地無準備,下次要記得早兩日訂!🙊
麵包籃盛着意大利香草🌿包和麵包條,
意大利香草包入口軟熟,香草味十足!
是日餐湯為蘑菇忌廉湯,
用鮮蘑菇打成的濃湯,
入口香滑濃郁,仲有粒粒蘑菇肉,口感十足!
是日沙律為煙鴨胸雜菜沙律,
煙鴨胸煎得香口,沙律菜新鮮,不錯吃!
香烤加拿大🇨🇦有機豬鞍扒($218)
薯菜可選配薯條、薯蓉、焗薯,
鐘意食smashed potato嘅我一定係揀薯蓉啦~
薯蓉薯香軟滑,
加埋各款雜菜如配西蘭花、粟米仔、翠肉瓜等,爽脆juicy。😏
豬鞍扒厚切,足足有2cm厚,
外皮煎得香脆,肉質鮮美多汁,
而且係豬鞍扒嘅關係,
所以唔肥之餘,肉質一點都唔嚡,
值得一試!👍🏻😋
香烤香草紐西蘭羊架($238)
兩條厚切羊架上陣,
雖然件數只有兩條,但由於厚切嘅關係,
價錢都算合理。😜
羊架可選5成或7成熟,
不過小編就覺得5成係最好嘅,
因為肉質會特別鮮嫩多汁~😏
羊架嘅香草🌿味不算突出,
但勝在一點羶味也沒有,不錯吃!
原個焗薯作薯菜不常見,
薯肉軟硬適中,配上酸忌廉,簡單美味!
餐飲可配咖啡或茶,
加$12-$15就可以升級至特飲,
蜂蜜薑牛奶咖啡
咖啡上還有精緻嘅tulip,
薑味都算突出,哎喲不錯哦!😏
地址:
JC Room (旺角)
旺角廣華街2-20號翠園大樓二期地下5號舖
營業時間:
星期一至日:12:00-23:00
留言
張貼留言