小編比較少去北角,
不過有個朋友住個邊,
佢話有間火鍋店「滾得囍」好正,
湯底特別,配料又夠新鮮,
見我一年四季都咁鐘意打邊爐,😂
所以叫我一定要試下!😏
一入門口,就見到有張龍椅係到,
真係好有宮廷feel lol
裝修和餐具都貫切主題,古色古香嘅風味~
檯面上仲有一道「聖旨」,😂
一開始仲以為可以打開「宣旨」,
但其實係gimmick黎嘅😆,
店家另有點餐紙提供。
湯底有13款之多,
每款湯底都有一個皇帝或者係歷史人物名,😂
款款都好自家製feel~
小編呢排成日頭痛,
所以我哋就揀咗同治天麻川芎藥膳魚頭湯($188)
魚頭煲上枱時仙氣十足~(乾冰效果)😂
湯鍋裏面有個大魚頭,
魚頭肉質細嫩,
有天麻、紅棗、當歸、白芷和紅棗等材料,
湯頭散發香濃嘅藥材味,
又有藥用功效,有平肝風、治血虛、祛頭風,好滋陰呀!😌
不過如果有多d魚肉就好!🙊
點菜後,便可以混醬啦!
仲有餐前小食tim!
🌟推薦❗️滾得囍海鮮拼盤($398)
有帶子、海蝦、蟶子、鮑魚、青口、大蜆等,
海蝦都幾新鮮,蝦肉爽彈,
最正係蟶子,有半隻手臂咁長!
鮮甜多汁,又有咬口!👍🏻
店家已把鮑魚預先脫殻,乾淨雪白一目了然,
食落軟腍鮮味,又不失嚼勁。
雖然帶子和青口都係冰鮮出品,
但勝在夠好大隻,肉質鮮味彈牙!😋
大蜆吐沙吐得乾淨,蜆肉脹卜卜,
吸晒啲湯汁,正!
海鮮拼盤有咁多款海鮮,
而家仲要送黃金響鈴,
即係鹹蛋黃炸響鈴,
雖然係即叫即炸即整,
不過由於係金沙嘅關係,
所以就比較容易出油,
建議一上枱就即刻食!
先可以品嚐到香脆又惹味嘅響鈴卷。😏
🌟推薦❗️滾得囍餃子拼盤(十隻)($108)
有和牛芝士一口餃、新鮮菜苗帶子餃、韮菜豬肉餃、黑松露野菌餃、黃金沙葛餃,
和牛芝士一口餃一咬開就爆汁,肉香味美,
菜苗餃好清新,配上帶子幾鮮香!😏
小編最鐘意多菜少肉嘅韮菜餃,正!😋
一口咬開黑松露餃,就有股黑松露獨有嘅香氣,配上菇菌好match!👍🏻
口感最特別嘅一定係黃金沙葛餃,
沙葛好爽脆,帶少許鹹蛋香,但又唔會太鹹,幾新穎!
南京鴨血($58)
鴨血份量好足,
入口滑順軟嫩,又不失爽滑口感,值得一試!
地址:
滾得囍宮廷火鍋小炒 (北角)
北角馬寶道33號馬寶學林1樓116-125號舖
營業時間:
星期一至日:16:00-1:00
留言
張貼留言