第n次食「Hesheeat」啦!
「Hesheeat」經常性係我同朋友食下野,傾下計嘅好地方,
因為環境夠寧靜優雅,
食物一直保持係水準之作,
最重要係無時間限制,唔會趕人走!😂
小編每次必點:
🌟推薦❗️蟹肉蕃茄牛油果沙律 ($95)
沙律賣相精美!😍
最底層係軟滑嘅牛油果醬,
第二層係拆左骨嘅蟹肉,
啖啖肉,鮮甜味美,
之後就係蕃茄粒,酸甜清新,
加上矜貴嘅黑魚子醬,
味道和口感都好豐富!👍🏻😋
淨食得,
又可以將沙律塗係香脆多士上面一齊食,
旁邊仲有以黑醋、檸檬汁和橄欖油調味嘅雜菜沙律~
而家仲多左dinner combo,
逢星期日至四18:00-21:00供應,
可以加錢追加食物或飲品,
小編覺得幾抵架!😏
所以加左兩樣野,
其實兩人就咁叫一個餐,
再追加,已經好夠飽!😂
(不過蟹肉蕃茄牛油果沙律係無論如何都要食😋,因為真係好好食!)
燒鰻魚滑蛋意式紅飯($106)
原條燒鰻魚好正!
鰻魚都幾厚肉,肉質軟嫩又不失嚼勁,
灑上和風紫菜,味道更有層次,
滑蛋都幾滑,又有蛋香,不錯!
意式紅飯係蕃茄汁炆煮而成,
味道不錯,但小編就略嫌飯被蓋得太實後口感受影響,
但整體來說值得一試!😏
我地仲$35追加左焦糖蘋果綠茶配麻糬厚焗鬆餅
最底層係焦糖蘋果,香甜味美,
之後就係有足足3-4cm厚嘅鬆餅,
最後有一球Haagen-dazs綠茶雪糕係最高。😍
鬆餅外脆內軟,
仲要有煙煙韌韌嘅麻糬係裏面,
口感好特別,又有層次!
可以淋上楓糖漿一齊食~😌
值得一試!😏
食左咁多野,最好就係飲返杯refreshing嘅🌟推薦❗️綠茶柚子沙冰($45)
柚子味突出得黎又不會過甜,
Haagen-dazs綠茶雪糕茶香軟滑~
可中和一下柚子嘅甜度,配搭得相當不錯!👏🏻
甜品中最深得我心嘅一定係🌟推薦❗️綠茶心太軟($62),
每次切開心太軟都覺得好治癒~☺️
綠茶軟心緩緩流出來,味道香濃回甘,
加上清新嘅豆腐雪糕,
可以中和一下心太軟嘅膩感,
沾上開心果碎一起吃,更增口感呢!😋
地址:
HeSheEat (銅鑼灣)
銅鑼灣記利佐治街2-10號銅鑼灣地帶2樓201號舖
營業時間:
星期一至日:12:30-23:30
留言
張貼留言