去完西環泳棚睇完日落🌄,
就去左附近嘅咖啡☕️聖地「Lex Coffee 」。
座落於堅尼地城卑路乍街嘅轉角,
落地玻璃嘅大門面,
一開始我仲以為係傢具店呢!😂
餐廳充滿藝術氣息,
餐廳嘅一邊牆壁掛富街頭文化氣息嘅Andy Warhol滑板,
前面更是一個屬於美國著名藝術家KAWS嘅角落,
木櫃上排列着各式各樣KAWS和其他藝術設計作品如殿堂級日本藝術家草間彌生的南瓜擺設和村上隆嘅杯,
另一邊牆壁則掛上奈良美智嘅畫冊,
啱晒文青打卡!😏
半開放式吧檯,
擺放着La Marzocco 咖啡機,
前面還放着美國🇺🇸咖啡品牌Blue Bottle嘅產品,
旁邊嘅黑板寫着是日精選嘅Filter Coffee,
隔離則是放滿甜品、蛋糕和開瓶飲料嘅玻璃櫃。
餐廳食物款式多樣化,
有沙律、漢堡🍔、意粉、意大利飯、全日早餐、主菜和甜品,
特式飲品更是別出心裁!
我地叫左兩道菜,
分別加左$36 配是日餐湯和芒果蟹肉沙律,
餐湯係甘筍湯,
見到佢嘅濃調度就知道佢係現打甘筍而成,
裏面有淡淡甘筍肉~
芒果蟹肉沙律則用鮮蟹肉、鮮芒果肉和沙律菜製作而成,
淋上香甜嘅芒果汁,
加上蟹肉以獨特嘅辣醬汁調過味,
微辣惹味,幾開胃!😌
招牌美國🇺🇸肉眼牛扒 配 黑松露薯蓉($198)
頂級美國🇺🇸肉眼牛扒,
雖然無磅去睇下有幾重,
不過牛扒有一隻手掌咁大,
又足足有1cm厚,應該係貨真價實嘅8oz!😏
肉質牛扒外表烤得呈褐色,
但切開裡面,中間鮮紅juicy,剛好的五成熟!
肉質軟嫩多汁,肉香味美,不錯吃!
除左烤得香口嘅鮮蒜頭和火箭菜沙律,
旁邊仲有好精緻嘅黑松露薯蓉,
用的骰嘅上菜盤盛載着,
薯蓉香滑,黑松露不會蓋過薯香~😌
Breakfast Fantasy 夢幻早餐($148)
黑松露炒蛋、巴馬火腿、煙肉、腸仔、燒菠蘿🍍、燒大啡菇、茄汁豆、鮮果沙律、多士,
材料好豐富!
炒蛋幾滑,黑松露醬毫不吝嗇,正!👍🏻
巴馬火腿鹹香味美,
煙肉、腸仔貨色有水準,
燒菠蘿香甜多汁,
燒大啡菇幾大件,咬落去鮮味多汁!
Artsy Print Coffee 藝術打印咖啡($88)
打印咖啡其實興左一段時期,
不過呢到嘅打印咖啡做得相當不錯!👍🏻
咖啡味道不錯,
仲可以維持至少15分鐘都唔化開,
用凍嘅奶泡做base,
然後將咖啡擺入「打印機」,
數分鐘之後就打印完成!👏🏻
食客仲可以自選圖片,如情侶照、寵物照等,
氹女朋友就最啱啦!😏
不過今次小編就印左我隻meow😽,
睇下印得幾好!😍
Filter Coffee 精品滴濾式咖啡($88)
雖然唔係自家烘焙嘅豆,
不過呢到嘅咖啡豆都係從有名嘅coffee roaster seven seeds入貨,識揀呀!😏
小編揀左Colombia Geisha 日曬豆,
花香味突出,帶水果嘅香甜,乾淨嘅口感,
值得一試!
地址:
Lex Coffee (西環)
西環堅尼地城卑路乍街100號地舖
營業時間:
星期一至四:10:00-21:00
星期五至日:10:00-22:00
留言
張貼留言