日式串燒，玉子燒必試！😋

同小妹係尖沙咀睇完戲，

去厚福街搵食！

其實除左厚福街H8整棟樓有好多美食之外，

周圍都有好多各式各樣隱世美！

就好似位於樓上舖嘅「珍味食堂」～

係專食日式串燒、日本🇯🇵料理嘅酒吧餐廳，

有露天座位，可以同一大班朋友book場搞party呢！😏

「珍味食堂」除左有好多串燒、日式料理外，

仲有抵食嘅二人套餐，

啱晒我同小妹兩個人分享啦！☺️

煙三文魚凱撒沙律

傳統嘅凱撒沙律，

有羅馬生菜、芝士碎、煙肉粒、脆麵包，

配上鹹香嘅煙三文魚，幾開胃！😏

特式餐湯為紫薯忌廉湯

紫色嘅賣相令人一睇就知道係紫薯🍠，😂

入口creamy。

🌟推薦❗️日式燒烤拼盤

有燒大啡菇、鹽燒雞翼、燒牛舌、荔枝煙肉串，

燒大啡菇鮮味多汁，

鹽燒雞翼除左鹽之外，無用多餘嘅調味，

簡單得黎，又美味！

燒牛舌都算厚肉，

肉香多汁，有咬口！☺️

荔枝煙肉串用嘅煙肉肥瘦適中，夠厚，有咬口，

包着香甜嘅荔枝肉，完美嘅配搭！👍🏻

喜出望外嘅係荔枝肉食得出唔係用罐頭，

鮮甜多汁，正！😋

🌟推薦❗️芝琛玉子燒

有鰻魚、煙肉、蟹籽、黑松露野菌嘅口味可以揀，

我地揀左黑松露野菌。

玉子燒得白滑完整！

切開玉子燒，見到裏面層次分明，

玉子嫩滑，松露醬沒有蓋過蛋香，

不過小編覺得茄醬都係唔好default有比較好。🙊

黑松露醬炒出黎嘅野菌鮮味鹹香，

仲有一層芝士係到，

熱溶嘅芝士仲有少許拉絲，

芝士控不可錯過呀！😏

巨峰提子🍇梳打 和 荔枝梳打（$28/杯）

雖然其貌不揚，但味道倒是不錯👍🏻！

感覺係用天然嘅果汁濃縮調配而成，

果香十足，唔會假水果或死甜味，

值得一試！

地址：

珍味食堂 (尖沙咀)

尖沙咀厚福街12號藍馬商業大廈5樓

營業時間：

星期一至六：12:00-15:00，18:00-2:00

星期日：18:00-2:00