同小妹係銅鑼灣剪完頭髮,就去附近搵食,
小妹話想食好食嘅心太軟,
小編第一時間諗起「HeSheEat」啦~😂
食心太軟,「HeSheEat」真係不二之選!😏
哦,原來轉左新menu,
有好多新菜式,
仲有Dinner Combo,
不過今次嘅set dinner唔係好吸引,
所以我地就散叫,食返「HeSheEat」嘅皇牌~😎
小編每次必點:
🌟推薦❗️蕃茄蟹肉牛油果莎莎配墨西哥脆片 ($85),
沙律嘅味道一如既往嘅美味,
最底層係軟滑嘅牛油果醬,
第二層係拆左骨啖啖肉、鮮甜味美嘅蟹肉,
最頂層係酸甜清新嘅蕃茄粒莎莎和矜貴嘅黑魚子,
淨食得,
將莎莎塗上脆片上一齊食都得,
味道和口感都好有層次!👍🏻😋
值得一讚嘅係伴碟採用墨西哥脆片,
感覺無咁飽濟,好似食nachos咁,正!😋
#牛油果控不可錯過嘅蕃茄蟹肉牛油果沙律
🌟推薦❗️單骨蜜糖芥末雞翼($55)
單骨雞翼方便食用,
熱辣辣炸起,炸皮夠薄,香脆可口,
肉質鮮嫩多汁,加上惹味嘅蜜糖芥末醬,正!👍🏻
係「HeSheEat」,龍蝦仔黑魚子牛角包就食得多,不過而家出左新口味!
又係牛油果控嘅口福啦!😂
🌟推薦❗️牛油果蛋沙律煙三文魚牛角包配田園沙律($74)
好足料呀!😍
原個香軟嘅牛油果,
加上海量嘅蛋沙律,
仲有魚油脂香嘅煙三文魚,
牛角包雖然唔係好夠熱,但勝在香脆,
整體來說,好正呀!😋
🌟推薦❗️牛油香草燒春雞配日式薯仔沙律($118)
呢道係新菜式,最鐘意食雞嘅我地梗係唔可以錯過啦!😂
原隻春雞好大隻,仲要即叫即燒!
雞髀肉嫩滑多汁,
雞胸肉厚肉,肉香十足,
原隻燒春雞價錢咁平,真係好抵食,必試!👍🏻
🌟推薦❗️綠茶心太軟配豆腐雪糕($62)
每次切開心太軟都覺得好治癒~☺️
綠茶軟心緩緩流出來,味道香濃回甘,
加上清新嘅豆腐雪糕,
可以中和一下心太軟嘅膩感,
旁邊仲有煙韌嘅白玉和綠茶蕨餅,正!😋
#超濃郁抹茶流心心太軟
沖繩黑糖菠蘿🍍沙冰($38)
菠蘿沙冰香甜,灑上沖繩黑糖作點綴,不錯嘅配搭,
不過略嫌有d冰粒未打碎晒。🙊
地址:
HeSheEat (銅鑼灣)
銅鑼灣記利佐治街2-10號銅鑼灣地帶2樓201號舖
營業時間:
星期一至日:12:30-23:30
留言
張貼留言