物超所值的鉄板焼き，A5和王牛無得彈！😋

上次同小妹慶祝紀念日黎過「鉄人旨花」試左お任せ（Omakase），

今次係幫小妹慶祝生日，

就試下第二樣野，

食鐵板燒－鉄板焼き（Teppan-yaki）啦～😏

升降機門一打開，便瞬即感覺置身於截然不同的空間。

上次黎係夏日炎炎的夏季，

所以到處都是初夏氣色的花海🌸🌺，

但今次係秋冬時分，

所以轉換了秋楓紅葉🍁和雪人的裝飾⛄️。

上次食Omakase所以坐長型的壽司吧檯，

不過今次我地食鐵板燒，

所以就被安排坐係專門食鐵板燒的半圓枱。

知道餐廳係聖誕節前推出了新套餐—伊勢海老鉄板燒，

價錢無特別貴，

反而有多種矜貴食材，

有東星斑，有龍蝦，又有和牛，好正咁喎！♥️

是日前菜為田園沙律配車厘茄和bb蘆筍，

蔬菜新鮮爽脆，淋上日式香醋汁，酸酸甜甜，幾開胃！👍🏻

薯蓉蛋沙律薯肉口感十足，

面頭加上幾片煙肉乾，幾惹味！

第二道菜可揀刺身或天婦羅🍤，

不過我地都最鐘意食sashimi，

當然非刺身盛盒 三點莫屬啦！

刺身為深海池魚、金目鯛和左口魚，

全部都係厚切，正！☺️

深海池魚口感嫩滑，肉質爽口，魚味非常突出！

金目鯛輕輕炙燒過🔥，

油脂被迫出來，味道更鮮美，好味道！😋

左口魚肉質較結實，鮮味甘香～

汁煮東星斑

斑肉肉質結實又嫩滑，

加上特調的日式醬汁炆煮得入味，

一點也不覺腥，洋蔥香味四溢～

連平時不愛吃魚的小妹都食得晒！😯

期待已久的海膽汁煮龍蝦登場了～

每人有半邊龍蝦，擺放得像藝術品呢～😯

蝦肉鮮甜味美，肉質爽彈，

絕對是普通急凍龍蝦達不到的水準！👍🏻

蘸上海膽汁更滋味呢！😋

熊本縣產A5和王牛

和王即係「和牛之王」， 

是必須經日本食肉格付協會(JMGA)評選，

飼養28個月以上並獲得最上級A5或A4等級認證，

且BMS (Beef Marbling Standard 油花標準等級)需達到6以上才可以稱為和王，

沒想過竟然可以咁榮幸有機會品嚐這矜貴食材呢！🙊☺️

看師傅將牛排放上鐵板，慢慢煎香兩面，

牛排表面慢慢轉為褐色，

師傅加蓋靜置3~5分鐘，再掀蓋倒入一些白蘭地接着點火🔥。

牛排雖點了五成熟，但師傅煎得略嫌有點過熟，☹️

不過牛排是極上等質素，所以味道非常好！♥️

好味到都不想計較了！😂

牛排外皮酥香，面頭微微散發着酒的香氣，

裏面還帶粉紅色，

肉的香氣比起美國或澳洲和牛濃郁得多，

一口咬落去，

便能感受到那豐沛的油脂和肉汁在口腔爆發，

香潤柔軟，入口即溶，會唔會係太好食啦！😎

牛魔王一定要試！係一定！一定！一定！

配菜大啡菇、蕃薯和蘆筍也毫不遜色！

大啡菇香軟，蘆荀口感爽脆，蕃薯香甜軟腍～

旁邊雖附上香脆蒜片、鹽巴和芥末，

但建議食牛排都係原汁原味好！😏

蒜片可食完牛排，先慢慢食，

因為蒜片蒜味太香濃，

會影響味蕾或蓋過牛肉味。🙊

黑松露炒飯

炒飯採用了日本珍珠米，

粒粒飽滿圓渾，又有口感～

再加入洋蔥、香蔥和胡蘿蔔，口感和香味都更豐富，

加上黑松露香氣馥郁，

入口不油不膩，都算不錯。

清酒煮蜆

師傅在錫紙湯碗分別注入上湯和清酒，

再點火🔥把大蜆的鮮甜味慢慢迫出來～

蜆肉肥美鮮甜，而且一點沙也沒有，

帶着酒香的清湯很暖胃，

又可去除口腔內的油膩感。

最後還有甜品作為整頓晚餐完美的總結。

柚子🍊啫喱雜果

自家製的柚子啫喱味道香甜，

加上色彩繽紛的雜果－哈密瓜、車厘茄等，

挺特別！

黑糖紫薯布丁

深紫色的布丁紫薯🍠味突出，

又食到少少軟綿的薯蓉，口感十足，

混合黑糖一起吃，味道更香甜呢！

雖然是次又是不便宜嘅一餐，

但小編絕對認為係值得嘅！😎

「鉄人旨花」的環境、食物質素和服務都有着一流嘅水準，

食材用料新鮮，

每件食物都看得出花丄不少心思去準備，裝飾得仿如藝術品一樣，

而每次都氹得小妹開心，

最緊要小妹開心嘛，物超所值！♥️

地址：

鉄人旨花 (銅鑼灣)

銅鑼灣謝斐道477-481號肇明大廈2樓

營業時間：

星期一至日：12:00-14:30，18:00-00:00