住左係黃大仙區十多年，
點會唔知呢到有間隱世又美味的滬（上海）菜—「上海美味齋飯店」（下稱「美味齋」）？😏
所有街坊鄰里都必定會黎捧過場，
識途老饕絡繹不絕，
晚晚更是坐無虛席～
「美味齋」紮根區內幾十年，
舊時這裏沒什麼特別裝修，其貌不揚，
我想，如果唔係爸媽帶我黎，
從門面看來，我自己應該從來不會踏進來。😂
第一次黎係小學生既我，
當時我既世界只有炸饅頭和煉奶，
殊不知，原來上海菜有「大饅頭」（炸銀絲卷）呢！😝
自此之後，我便愛上這裏的炸銀絲卷，並一定要蘸煉奶吃～☺️
記得去年老闆話要結業時，
我還特地帶爸媽來捧場！
老闆當時沒說會重開，我們倍感傷感。😢
沒想到一年後「美味齋」以翻新面貌再面世，
店內外都充滿懷舊復古的風格，
牆上更塗上色彩繽紛的塗鴉，
不過整個餐廳依舊都是務實派，
餐桌從木枱進化成玻璃桌面，
一家人吃飯的大圓枱和倆仨口子的小方桌都有。
門口依然保留着舊有特色，
擺放着一個大冷盤櫃讓食客一目了然，
值得一讚的是環境較從前衛生得多，
食物已安置在有蓋的玻璃櫃內，食得更放心！😏
不過冷盤款式就不比以前多，
雖然當天沒有爸最愛吃的東風螺、田螺🙊，
所以我們最後點了油炆筍（$36），
一碟份量不少，
筍絲香辣入味， 口感爽脆不膩，挺開胃！😋
餐牌上改變也不少，
沒有了從前的單人的客飯套餐，
反而多了二、四、六人套餐和小菜，
當中還多了不少四川菜呢！😯
由於冬天的關係，
店家依舊推出季節限定的羊腩煲和醉雞鍋，
⛄️冬天梗係要食羊腩煲啦，湊湊「熱」鬧！😎
羊腩煲（$250）
嘩，一煲都好大喎！三個人都應該夠食！
面頭的大花菇夠晒attraction😍～
羊腩的份量一點也不吝嗇，
🔥火侯控制得剛好，
腩肉保持挺身，但腍而不散，
清楚見得到皮、肥瘦肉相間，
口感彈牙又有嚼勁，燜得也很入味！😋
羊肉更可蘸上腐乳醬同吃，
意想不到的配搭，夠晒惹味呢！👍🏻
除了羊肉外，
店家還加了不少吸湯的枝竹、爽脆的馬蹄等配料同燜，
以減低羊肉的膻味和燥熱。
隨羊腩煲還附送一斤菜，
時菜為津白，份量超多～
津白吸晒羊腩煲的精華，正！😋
上海菜裏面，小編最鐘意食炒鱔糊，
以前的鱔糊客飯，包兩碗飯、例湯，只需$80，真係好抵食！😎
不過而家新店無左客飯啦，
淨叫銀芽鱔糊或韮王鱔糊都要過百，
所以我們便退而求其次，
點了鱔糊炒粗麵（$78），
價錢相對宜人，😂
鱔糊份量也不少，鱔絲條條長短相若 ，
沾滿醬汁的魚肉入口爽滑軟腍 ，略帶魚鮮但不腥，香濃惹味！😋
銀芽也很多，
粗麵均勻地沾滿醬汁 ，不會太油膩，不錯吃！
整體來說，
雖然大部分菜式的價格都比從前貴，
但食物質素依然保持着水準，
環境又坐得更舒適，
一如既往健談的老闆服務好更加唔洗講，
我們一定會繼續捧場啦！😆
地址：
上海美味齋飯店 (黃大仙)
黃大仙鳳凰新邨環鳳街23號地下
營業時間：
星期一至日：11:00-23:00
留言
張貼留言