小妹最鐘意食泰國🇹🇭菜,
每次我地食泰國菜都要專登出九龍城,
對於港島人黎講真係好唔方便!😢
不過從朋友介紹得知灣仔有間正宗泰國菜—「MAZ Thai & BBQ」(下稱「MAZ」),
裏面全都是來自泰國的廚師,
我便決定帶小妹黎試一試。😏
看餐廳格局,感覺完全是一間小酒吧,
之前成日經過都無發現呢到竟然仲有泰國菜食!😂
由於兼營酒吧的關係,
比起一般的泰國菜餐廳,
「MAZ」裝潢相當別緻,整體走工廈風,
一邊是以雲石打造成的高檯,適合同朋友摸下酒杯底,chill下,
另一邊則是sofa座位,
大夥兒一起吃泰國菜就最啱啦!☺️
菜式方面,
一般的傳統菜式如串燒、炒金邊粉、菠蘿炒飯當然不會缺少,
而像D24榴槤薄餅、冬陰功火鍋倒是幾新穎!😎
小編每次食泰國菜,生蝦刺身都是必點的!😂
泰式生蝦($118)
一份有6隻草蝦,以灣仔區來說,份量和價錢都算合理,
而且每隻都肥美肉厚,
肉質爽口彈牙,味道鮮甜美味,
夾着蒜片和辣椒🌶️一起吃,
再蘸一蘸泰式生蝦醬,正啊!😋
由於小妹最鐘意喝冬陰功,
所以我地就試一試季節限定—用冬陰功打邊爐,
冬陰功火鍋,可選擇海鮮拼盤($228)或特級牛頸脊($188),
如果想一次過試晒兩款配料,價錢都只需$376,價錢幾抵喎!😎
先說冬陰功,
蝦的鮮甜完全被迫出來,所以湯頭甘醇美味,
店家應該用了不少蝦頭蝦殼熬製才有這種效果,😏👏🏻
再加埋其他不可或缺的配料如蕃茄、菇類、香茅、檸檬葉、南薑 、指天椒等,
由於我們追加了兩款配料,
所以店家十分細心地一早準備用來加湯的冬陰功湯底,
一個價錢差不多就可以飲兩煲,
三個人食都夠晒,好抵呀!😂
特級牛頸脊
識食牛的話,打邊爐一定係食牛頸脊啦!😎
平時牛頸脊都比肥牛貴,
但店家用料一點兒也不吝嗇,
選料用上脂肪比肥牛少得多的牛頸脊,
油花均勻,嫩滑得黎又有咬口,牛味十足!
牛魔王不可錯過!🐮
至於海鮮拼盤,材料十分足料,
除海鮮海蝦、花甲外,
海蝦和花甲的份量不少,
每人最少有兩件,
海蝦肉質鮮甜彈牙;
花甲洗得乾淨,沒有半點沙,肉質相當有嚼勁!
近年打邊爐都新興花膠,
所以「MAZ」也不落後於潮流,
花膠份量不少,
涮熟後口感滑嘟嘟,滋潤又養顏,
而墨魚滑和肉丸是自家製的,口感份外彈牙香口,不錯吃!
泰式燒豬頸肉就食得多,
泰式燒美國安格斯牛扒($286)就比較少食。🙊
牛魔王小妹見到牛扒又點會錯過呢?!😂
嘩無諗過牛扒咁大份,😳
足足有一隻手掌咁大✋🏾,
店家細心地把牛扒切開,份量超多,
牛扒煎至7成熟,
肉質軟嫩多汁,牛味十足,牛扒迷必試!☺️
旁邊還有泰式酸辣汁作為調味,蘸着吃更惹味呢!😋
和普通的泰國菜不同,
配菜還有燒車厘茄、香烤麵包和原個烤蒜頭,
有點西式fusion呢!😎
燒車厘茄juicy美味,
烤蒜頭和牛扒一向都是最佳組合,
至於麵包烤得香脆,但有點兒和牛扒不配襯,可能配烤薯仔會搭d!🤔
兼營酒吧的「MAZ」,
除了一般泰式飲品外,
啤酒🍺、Cocktails、紅酒🍷、白酒和氣泡酒都有。
一邊食泰國菜,一邊飲酒,真的是最棒的享受!😌
整體來說,
「MAZ」的食物質素、環境氣氛都相當不錯,👍🏻
價錢又合理,
下次食泰國菜,終於可以唔洗專登去九龍城了!😊
地址:
MAZ Thai & BBQ (灣仔)
灣仔蘭杜街2號地下E舖
營業時間:
星期一至日:11:45-23:00
留言
張貼留言