綠茶心太軟，食過返尋味！😋

銅鑼灣地帶「Hesheeat」係小編經常同朋友飯後甜品嘅地方，

不過其實唔止甜品出名架，

主菜都相當有水準！

剛好小妹收工話想食綠茶心太軟，

梗係要黎「Hesheeat」啦！

先食正餐～

蟹肉蕃茄牛油果沙律  ($95)

沙律賣相相當精美！😍

最底層係軟滑creamy嘅牛油果醬，

第二層係已拆骨嘅啖啖鮮甜蟹肉，

之後就係酸甜清新嘅蕃茄粒，

加上矜貴嘅黑魚子醬，

味道和口感都達至極致，一試難忘！😋

另一個食法，

可以將沙律放係香脆多士上面一齊食，

又是另一番風味！

覺得太膩，可以食下以黑醋、檸檬汁和橄欖油調味嘅雜菜沙律，都幾開胃架！😏

炸磨菇釀雞肉（$68）

上枱時新鮮熱辣炸好，脆炸得很！

雞肉釀係蘑菇裏面一齊炸，美味可口，

再蘸上黑松露蛋黃醬，更添美味！👍🏻

焗龍蝦仔黑魚子牛角包（$102）

嘩，份量超足！

黑魚子多到呢！😍鹹香得黎，又有口感！😎

牛角包焗得香脆可口，

特調嘅龍蝦仔沙律夾係牛角包中間，

份量一點也不吝嗇，肉質鮮味彈牙，

薯條🍟外皮炸得勁香脆，薯肉軟腍，正！😋

旁邊還有雜菜沙律，可以解解膩呢！

見到有special menu，

梗係要試下啦！

油封鴨脾意大利飯（$138）

鴨脾勁大隻，火候控制得剛好，

油封煎鴨脾更令肉質保持鮮嫩，肥美又多汁，

新鮮蕃茄仔，juicy又美味，

意大利飯軟硬適中，

炆煮得入味之餘，又不失嚼勁，

而且灑上勁多芝士片，「芝」味十足！

值得一試！😏

終於輪到甜品出場啦～💃🏻

呢到嘅綠茶心太軟（$62）可能係小編吃過最好食derrr！☺️

每次切開呢個心太軟都覺得好治癒～

綠茶軟心緩緩流出來，味道香濃回甘，

加上清新嘅豆腐雪糕，

中和了心太軟嘅膩感，

沾上開心果碎一起吃，更添口感呢！

朱古力忌廉班戟卷（$58）

士多啤梨醬和朱古力醬紅黑相間整個班戟卷， 

班戟口感軟熟，

加上卷內滿滿嘅朱古力忌廉， 

香濃嘅朱古力味，正！👍🏻

值得一讚係醬料勁足，

加上酸甜清新嘅士多啤梨雪葩，

好味道！😋

食左咁多野，每人都只係$260，

而且碟碟都好大份，味道又一流，

真係好抵食！

服務質素也相當好，

店員不斷主動地為我們加水，

一定會再食過返尋味！😎

地址：

HeSheEat (銅鑼灣)

銅鑼灣記利佐治街2-10號銅鑼灣地帶2樓201號舖

營業時間：

星期一至日：12:30-23:30