首先得講下小編真係好怕去旺角行街或者食野,因為太多人又太多伏食🙊。
不過因為一定要去旺角買野,
所以又要做一番大冒險啦~😂
買完野之後,
就同屋企人去左兆萬中心嘅「紅火鮮料火鍋專門店 」,真係唔錯喎!😏
19:30前離座或21:00後入座每位只需$158,
21:00前入座係$168,
仲有宵夜時段,23:00後位位$148!
好抵呀!😎
有超過10款煲或湯底可選擇,
仲有越百款嘅火鍋配料可任食,
飲品仲有十幾款,
除了韓式飲料、汽水,還有自家製竹蔗茅根水,
連啤酒都任飲,性價比超高!👏🏻
食火鍋先混個醬~😎
火鍋醬料有9款,
基本嘅炸蒜、生蒜、辣椒、香蔥、芫荽都有~
仲有小食枝豆和炸魚仔花生任食呢~😳
我地揀左百年古方鮮雞煲,
有唔辣、微辣、小辣、中辣、大辣可選擇,
要注意會越食越辣,
所以我地揀左微辣都夠晒香辣惹味!😏
鲜雞煲雞件份量超多,
件件都好厚肉,肉質嫩滑又入味,
而且雞煲加入大量洋蔥和芫茜,香氣四溢,
好味道!😋
食完雞煲就可以加湯打邊爐啦~
店家用上3層架放火鍋配料,
可以令枱面慳多d位,又比較整齊,不錯👍🏾啊!
是日推介海鮮有蜆,
洗得乾淨無沙,有少許海水味。
脆鯇魚片都幾新鮮爽脆~
美國🇺🇸雪花肥牛肥瘦齊適中,
肉香味美,要不斷encore呀!☺️
新鮮九肚魚
作為火鍋料並不常見,幾特別!
手打蟹籽鮮蝦滑
睇得出鮮蝦肉,真材實料,口感爽彈!
安格斯牛柳粒肉香有嚼勁,
連牛柳粒都可以任食,超正!😏
秘製牛孖筋
本身已經處理過,滷得軟腍入味,值得一試!
爽口黑柏葉爽脆
獅頭有膏鵝腸
食鵝腸最緊要夠肥夠多膏,
呢到完全係高級貨色,
鐘意食鵝腸必試!😋
即包韮菜餃、大蝦鮮雲吞
自家包製嘅餃子皮薄餡靚,
好味道!👏🏻
雜菇拼盤
有雞脾菇、秀珍菇、鮮冬菇,
份量岩岩好夠兩個人食,
又可以一次過食晒咁多款,good idea!😏
雜菜拼盤
咩菜都有,油麥菜、生菜、白菜仔,
無諗過連西蘭花都有,
哈哈下次都係單點自己鐘意食嘅菜比較好!😂
脆卜卜炸魚皮香脆可口~
地址:
紅火鮮料火鍋專門店 (旺角)
旺角西洋菜街1號兆萬中心17樓
留言
張貼留言