已經數不清黎過「陳儀興」幾多次!😂
呢到主打火鍋、小菜,
但菜式周不時都有更新,
真係每次都有驚喜!
店裡裝修如普通茶餐廳,但絕對是簡樸實戰形!😆
座位大部份都係靠牆卡位,
有電視掛在牆上供食客收看。
夥計好親切,十足十街坊一樣!
會為我們介紹是日新鮮海鮮來貨。😏
我地平日晚上黎,
呢到差不多滿座,仲有不少係遊客,
可見餐廳都幾受區內歡迎!😎
我地點左個海鮮濃湯黃金甲($228)
19:30前結賬仲有早鳥優惠$188,
唔洗$200就食到肉蟹煲,會唔會係太抵食啦!
不過最好提前一日預訂!
如果唔係就手快有,手慢無啦!👻
嘩,果然好足料,原隻鮮肉蟹,
預先已由師傅砍好件,
令肉蟹更容易入味,又方便食用,好細心喔~☺️
睇下蟹爪幾大隻,好厚肉,肉質鮮甜味美,
諗返起都流口水~
底層係半個新鮮南瓜🎃,
仲有好多菇菌襯托,
裏面仲要有各種是日海鮮如花甲等,
湯頭鮮甜濃郁,
飲得出應該係用左不少蝦頭蝦殼熬製而成,
真係貨真價實嘅海鮮濃湯!😍
我地每人都飲左起碼兩碗湯先繼續打邊爐,正!♥️
安格斯牛肉(細)($118)
牛肉份量都算合理,
雪花均勻,涮熟後入口爽嫩多汁,肉味豐腴!☺️
自家韭菜餃,自家手包雲吞(雙拼$48)
不得不提嘅係過左一年都無加過價,
價錢好親民!
每隻自家包製嘅餃子、雲吞皮薄餡靚,
從薄薄嘅外皮已經透露出包在裏面嫩綠色嘅韭菜和蝦膠,
韭菜餃啖啖菜肉,小編最愛!♥️
雲吞好厚肉,鐘意食肉餃嘅foodie可以一試!
響鈴卷、蟹子丸(雙拼$38.5)
有咁正嘅湯底,
梗係要配搭響鈴黎食,好吸晒湯底嘅精華~
不過今次好似無之前嘅自家製咁好食。🙊
蟹子丸中規中矩,係應有嘅爆蟹子感覺~😂
地址:
玫瑰餐廳陳儀興 (新蒲崗)
新蒲崗爵祿街33A-37A號百勝工廠大廈地下
營業時間:
星期一至六:07:00-00:00
星期日休息
留言
張貼留言