日式放題就食得多,
但日式鐵板燒放題又食過未?
尖沙咀新開左一間日式鐵板燒放題—「鉄人大盛」,
除左有普通嘅對座位之外,
仲有鐵板燒半圓枱,
可以睇住師傅即時幫你燒,
感覺好high class呢!😏
晚市2小時鐵板燒放題:
有多款刺身、壽司🍣、鐵板燒、燒物、炸物、日本🇯🇵料理,
成人$328,小童半價(任何時段)
價錢都算合理。
新張優惠先上牡丹蝦,一人一隻,
仲有乾次效果,煙霧瀰漫,
揭開食放題嘅序幕~
牡丹蝦大大隻,鮮甜爽彈~😋
如果有得encore就好啦!🙊
刺身
有三文魚、三文魚腩、油甘魚、鱆紅魚、帶子、甜蝦、北寄貝、赤貝、螺片和希靈魚等。
比較驚喜嘅係連拖羅都有,😍
不過水準一般,部分有筋。😟
不過整體嘅刺身都好新鮮,
🌟推薦❗️三文魚腩、油甘魚,
厚切肥美,魚油脂香~😋
冷盤小食
芝麻八爪魚🐙、中華沙律、螺肉、蟹籽沙律,
雖然大部分都係現成入貨,質素有保證!
鐵板燒款式選擇多,
全部都即叫即煎即炒。
🌟推薦❗️燒牛舌
燒得爽脆多汁,肉香味美,
一定要encore~💪🏽
🌟推薦❗️蔥花牛肉
用上日本和牛薄切,肉質軟嫩多汁,
包着蔥花一齊食,
風味更佳,食起來唔會覺得油膩 !
燒汁一口牛
唔知係咪因為煮得太熟,
雖然咬落肉汁飽滿,但口感比較韌,有點失望😞。
🌟推薦❗️法式鵝肝配多士
鵝肝七成熟,
入口肥美豐腴,
配上烤得外皮香脆可口,但又保持軟熟感嘅多士,正!😋
🌟推薦❗️鐵板羊架
羊架大大隻,
肉質鮮嫩多汁,
散發柔和嘅羊羶香,好味道!
泰式雞扒
肉質軟嫩,
配上泰式酸辣汁幾清新,
但個人來說,都係配返傳統醬汁如照燒汁較容易接受。😂
🌟推薦❗️牛油燒扇貝
🌟推薦❗️芝士醬帶子
雖然唔會有芝士拉絲嘅效果,
但芝士醬同帶子幾夾,
相對起牛油燒扇貝,
鍾意冇咁熱氣嘅foodie必試!😏
小編我就encore無限次!😂
🌟推薦❗️燒鰻魚
鰻魚都幾厚肉,肉質爽彈,
配上香甜嘅鰻魚汁,
食極都唔會覺得膩!😂
燒雞翼係鹽燒雞翼,
店家已預先將佢半去骨,
方便食客食用,又可以入味d~
芝麻雞翼、芝士年糕、廣島蠔
都係放題必食!
值得一讚嘅係廣島蠔幾新鮮,
唔會有唔好嘅腥味,炸皮又夠薄身。
🌟推薦❗️一口紫薯、燒菠蘿、翠玉瓜、杏鮑菇
火候控制得剛好,
可以保留蔬菜如翠玉瓜、杏鮑菇嘅水份,唔會燒得太dry。
其中嘅燒菠蘿,更加係必試佳品!
一咬落去,菠蘿汁全部咇晒出嚟,香甜美味!😋
唔好睇炒野菜好普通,
其實越普通嘅野,越容易被餐廳忽略,越容油暴露餐廳嘅優劣,
呢到嘅炒野菜即叫即炒,上枱時仲熱辣辣,
有紅蘿蔔絲、洋蔥、菇、椰菜,
新鮮爽脆!👍🏻
味噌蜆湯
大蜆新鮮肥美,湯頭清甜香醇,
味噌唔會掩蓋左蜆嘅鮮味,值得一試!😏
自助飲品區,
基本嘅汽水、果汁、茶都有,
值得一提嘅係仲有免加錢嘅酒精飲品:啤酒和sake,
配日式料理一流,又可以飲都返本!
雪糕係haagen-dazs,
口味都算多,有6款之多,
最重要又係可以任食!😏
整體來說,
比起平時普通嘅日式放題,
「鉄人大盛」嘅燒物特別出色,
完全達到爐端燒嘅質素,
至於日式放題嘅食物質素也相當有水準!
地址:
鉄人大盛 (尖沙咀)
尖沙咀堪富利士道8號格蘭中心地庫
營業時間:
星期一至日:17:30-00:00
留言
張貼留言