又到左秋季呢個打邊爐季節~🍲
之前睇介紹成日見到「火鍋英雄」都想試,
難得小妹收工放早,又嗌好肚餓😂,就同佢黎大吃一頓!🙊
「火鍋英雄」嘅裝潢呈頗有中國特色,
有不少中國風嘅擺設和裝飾,
每張枱也有屏風相隔,空間感十足~
未點菜之前,
店員已奉上8碟涼菜小吃:花生、海帶、芽菜、青瓜、蓮藕、豬耳絲、木耳、豆角,
嘩,超豐富!👍🏾
淨食前菜已經夠晒飽!😂
打邊爐先混個醬!
設計雅緻的醬料區,
有多款醬料可配搭,蒜蓉、蔥花、芫茜、芹菜、辣椒、芝麻醬、醋、醬油等,
呢到醬料好充足,連不常見嘅榨菜末都有!😳
太多選擇唔知點配搭?可以睇油碟配搭秘笈😏
醉雞食得多,不過醉烏雞就第一次試!😯
二十五年陳年花雕醉烏雞鍋($168)
湯底由黨參、北芪、紅棗、杞子、桂圓等材料熬製而成,
再加入釀製二十五年花雕酒和一整隻烏雞,
酒味不會太濃,味道適中,
烏雞斤量十足,肉質鮮嫩爽滑,
落其他配料打邊爐前,可以先飲啖頭啖湯,
混合所有藥材、好酒和鮮烏雞肉嘅精華,
湯頭鮮甜味美,夠晒清潤進補!😋
本地手切肥牛頸脊(小)($268)
份量超多!😳
牛頸脊肉味香濃,脂肪少,肉質細嫩有嚼勁,推薦!👍🏾
好少打邊爐見到有黑毛豬食,
所以就點左碟西班牙黑豚肉($108),
粉紅色嘅色澤亮麗,肉質鮮嫩,
唔會嚡口,肉香味濃,值得一試!
招牌四寶丸($108)
有牛丸、墨魚丸、蝦丸及鯪魚球,
全部自家製手打,粒粒彈牙味美,
牛丸和墨魚丸尤其出色!👍🏾
雜菜籃($58)
有金菇菜、娃娃菜、唐生菜、油麥菜,
樣樣都新鮮爽脆,份量又足,不錯呀!
酥炸響鈴($48)
一份有8條,即叫即炸,
酥脆可口,有微微嘅豆香滲出來~
好味到一個人食左5條😂
四川紹粉($28)食得多,
但少有地食到咁煙韌彈牙,
厚薄剛好,唔會落左鍋就好快腍或斷開,
鐘意食煙煙韌韌嘅foodie們必試!✋🏾😏
洛神花茶($58)
味道比較甜,可能係無加山楂嘅關係,
不過勝在大大支,幾抵飲!😏
地址:
火鍋英雄 (銅鑼灣)
銅鑼灣駱克道491-499號京都廣場三樓
營業時間:
星期一至日:11:30-00:00
留言
張貼留言