同小妹和朋友double dating,
就去左海港城曼谷米芝蓮三星「藍象泰國餐廳」食晚飯,
每人$3xx埋單,不過食左好多野,都算合理!😏
環境裝修走泰國宮廷風路線,
華麗寬敞,更可以飽覽180度維港海景,感覺幾Chill。
⭐️推薦❗️小食拼盤($168)
有泰式沙嗲雞串x2,泰式沙嗲豬串x2、藍象炸蝦餅x2、脆皮青咖喱黃金包x2、馬可x2,
份量足,幾抵食喎!
多人分享就啱啱好,可以一次過試晒所有小食,
雞串和豬串肉質嫩滑,
蘸上秘製沙嗲醬,更惹味!
蝦餅外皮炸脆,內裏爽彈,
黃金包炸得超香脆,好似食緊炸雲吞咁,
馬可係菠蘿🍍混堅果嘅小丸子,係泰國嘅貴族小食,味道好有趣!😂
⭐️推薦❗️青芒果大蝦沙律($148)
份量幾足料,大蝦一客有四、五隻!
青芒果酸酸甜甜,有着獨特嘅香氣,口感爽滑多汁~
加上秘製嘅醬汁,微辣惹味!😋
⭐️推薦❗泰式燒春雞($168)
原隻燒春雞好大隻!😍
外皮燒得香脆可口,
內裏嘅肉質保持嫩滑多汁,
配上自家製嘅醬汁,酸辣惹味!
我地全部都讚口不絕,必試之選!😋
藍象特式青咖哩配牛肉($188)
青咖哩香濃,有少少麻香,
牛肉採用了牛腩,都算鬆化。
內裏仲有薯仔做配菜,幾入味~
食咖哩一定要配上油鬆餅($38/2件)
即叫即製,唔會太油膩,
又可以用黎索盡咖喱嘅精華~😌
⭐️推薦❗燒大蝦炒金邊粉($152)
金邊粉上有一隻巨型大頭蝦,霸氣十足!👏🏻👏🏻
肉質鮮味爽彈,
不過如果大夥兒食就比較難分享。🙊
金邊粉炒得都算乾身,酸甜惹味!
基本嘅配料整全,
有豆乾、蛋絲、芽菜、蔥段等,口感十足,
旁邊仲有花生、辣椒和砂糖,
可按口味自由添加~👍🏻
食左咁多肉,梗係要叫返個菜!
蝦醬辣椒炒通菜($98)
份量都算合理,鹹香惹味!
芒果黑白糯米飯($88)
糯米飯微暖,
分別淋上芒果汁和椰汁,
糯米飯食落去煙韌軟熟,
配上炸椰絲,口感、味道更豐富,
旁邊仲有泰國🇹🇭正宗水仙芒,正!☺️
比較特別,突破傳統嘅係糯米飯竟然配雪糕,
幾新鮮嘅配搭,哈哈!😂
地址:
藍象泰國餐廳 (尖沙咀)
尖沙咀廣東道3-27號海港城港威商場3樓3303號舖
營業時間:
星期一至日:11:00-22:30
留言
張貼留言