唔洗去深圳都可以食到烤魚啦!😏
小編最近發現尖沙咀開左一間新餐廳—「小魚兒」,主打川味烤魚,
所以就帶鐘意食魚嘅媽咪黎試下啦!😆
烤魚有7款口味選擇,
有辣有唔辣,任君選擇!
嗜辣嘅foodie可以試下青椒BB豆花、活火山🌋泡椒剁椒豆花,
唔食得辣嘅可以食白魚湯黃金蒜香豆花和老壇酸菜豆花,
想試d特別d嘅口味可以試下泰皇冬陰公海鮮、養生花膠蟲草香辣豆花、菠蘿香辣豆花,
都幾新穎!😯
揀完口味就可以揀烤魚嘅種類,
烤魚種類選擇有4款,
有海鱸魚、江團魚、比目魚柳、沙巴龍躉,
每一種魚都有不同嘅賣點。😏
辣度由不辣到大辣都有,
更有細分至小麻到大麻,
切合所有foodie嘅口味,梗有一款啱你心意~😂
最後我地揀左⭐️推薦❗️菠蘿🍍香辣豆花烤海鱸魚($298)
要左小麻小辣,
食開譚仔小辣嘅小編就覺得可以再辣d,
大家自己可以參考下!😂
以新鮮菠蘿配上海鱸魚,
甜中帶辣,幾惹味!😋
放在四角嘅豆花吸晒湯汁嘅精華,
味道香濃,口感滑嘟嘟,正!
小編就覺得海鱸魚🐟性價比最高,
肉質軟嫩滑溜,魚味香濃,又唔會覺得腥,
都算係多肉少骨,
啱晒唔識食有骨魚嘅小編😂,
最重要係價錢係最便宜,抵食!😏
如果鐘意食肉質較結實,就要試江團魚~
不過最有咬口嘅梗係非沙巴龍躉莫屬啦!😏
食完烤魚,仲可以添加配菜,
有咁正嘅辣湯,
梗係要食個吸湯嘅圓薯粉($28)啦,
煙韌q彈,掛湯入味!⭐️推薦❗️
如果唔食烤魚,仲有川味雞煲、串燒食!😏
地址:
小魚兒 (尖沙咀)
尖沙咀金馬倫道16號金馬大廈1樓
營業時間:
星期一至四、日:12:00-23:30
星期五、六:12:00-00:00
留言
張貼留言