第三次食「渝味曉宇」啦，
在香港來說，倒是挺正宗嘅重慶火鍋！
所以唔返大陸，都可以食到麻辣火鍋啦！😏
甫入座，
店員便奉上免費嘅冰糖雪耳糖水，
先滋潤腸胃，再食麻辣火鍋，
可減低麻辣對腸胃嘅刺激，好貼心呀♥️☺️～
湯底位位$38，好平呀，
一個人黎食都覺得抵！😂
湯底主要有兩款：
九宮格麻辣大紅鍋或鴛鴦鍋，
我地揀左鴛鴦鍋，
因為一次過可以試晒兩種口味～😜
麻辣湯可以揀普通辣湯或重慶辣湯，
另外有4款湯底可選擇：大骨滋補湯、蕃茄魚頭湯、山珍菌湯鍋、皮蛋香菜鍋，
第一次見有普通辣湯，
小妹唔太好辣，所以就試下啦！
雖然浸滿紅通通嘅辣椒，但唔係好夠辣勁，
反而唔知點解好鹹？
下次都係食返重慶辣湯～😆
大骨滋補湯味道香濃，不錯👍🏻！
值得一讚嘅係火鍋配料可以揀半份或全份，
倆口子食得，大夥兒食都得，得左！☺️
「渝味曉宇」有多款重慶地道火鍋配料，
如冰鎮稻田毛肚和鮮黃喉，
仲有鮮鵝腸、大刀牛肝、曉宇嫩牛肉、耗兒魚、曉宇苕粉、現炸豆皮、現炸酥肉和紅糖糍粑。
每次必點嘅⭐️推薦❗️冰鎮稻田毛肚（$59/半份）
薄而大嘅上好葉瓣，
上枱時以冰鎮保持新鮮，
在滾燙嘅紅湯中汆燙後，吸盡麻辣湯汁，
質感爽脆又不失韌度，正！👍🏾
曉宇嫩牛肉（$42/半份）
本地嘅新鮮牛肉，肉質腍滑超嫩～
⭐️推薦❗️大刀牛肝（$46/半份）
牛肝可以先和鵪鶉蛋拌勻灼燙，
食嘅時候蘸上辣粉，嫩滑又惹味！😋
⭐️推薦❗️特式迷你燕餃（$38/半份）
餃子皮薄，內餡係豬肉和香菜，
細細粒，幾有口感！
⭐️推薦❗️鴨血（$42/半份）
入口滑順軟嫩，又不失爽滑口感，值得一試！
貢丸（$32/半份）
幾好食，不過係較容易痴牙。😂😂
午餐肉（$22/半份）
半份嘅份量都幾多！
嫩豆腐（$15/半份）
無諗過嫩豆腐會係咁，
有d似臭豆腐嘅味道。😅
藕片（18/半份）唐生菜（$32/份）
新鮮爽脆，份量都算合理。
 |
⭐️推薦❗️曉宇苕粉（$29/半份）
晶瑩剔透嘅紅薯粉，
煙煙韌韌，久浸而不斷，
掛湯吸湯一流！😌
小編最鐘意食紅糖糍粑♥️（$36/半份），
每次食重慶火鍋，必點之物！😂
紅糖糍粑外脆內軟，
蘸上紅糖汁，香甜軟糯～☺️
食麻辣火鍋，最容易上火🔥，
飲返杯清熱解暑嘅自家製洛神花茶（$18/杯）酸酸甜甜，下火就最啱啦！
而家仲做緊信用卡優惠！
Facebook like & checkin仲送紅糖冰粉！
地址：
渝味曉宇重慶老火鍋 (灣仔)
灣仔皇后大道東202號QRE Plaza 6樓
營業時間：
星期一至日：12:00-00:00
留言
張貼留言