食過返尋味嘅黑炭黑蒜蓉包！😏

小妹想食蒜味嘅fooddd～

所以小編就即刻諗起「16 shell」嘅招牌蒜蓉包，梗係要帶小妹黎食好西啦！😏

第三次黎「16 shell」食晚飯，水準一直keep得好好！👍🏻

⭐️推薦❗️黑炭黑蒜蓉包 Black Garlic Bread

唔好睇佢外表普通，咬開就會發現內有乾坤！😏

麵包烤得外脆內軟，

底層係竹炭麵包，

面層塗左一層秘製黑蒜蓉醬，

味道層次豐富～

竹炭麵包又夠晒健康！

黑蒜蓉唔會辣，食完唔會有口氣，但蒜香十足，微甜滋味，

咁特別嘅蒜蓉包，真係只此一家！❤️

⭐️推薦❗️蒜蓉香椒白酒牛油汁煮蜆

蜆嘅份量毫不吝嗇，

蜆唔算係好大隻，不過勝在新鮮，洗得乾淨，沒有半點沙，鮮甜又有嚼勁！

醬汁微辣惹味，

蘸麵包一起都好好味！😋

⭐️推薦❗️黑松露焗釀蘑菇意大利麵

意大利麵軟硬適中，好掛汁，

每一條意粉都沾上香氣十足嘅黑松露醬，好味道！

半溶芝士覆蓋整個大啡菇，拉絲感十足！

仲有洋蔥、火腿等配料，增添不少口感～☺️

意大利辣肉腸比薩批🍕

由「十二道鋒味」主廚謝霆鋒設計嘅酥皮比薩批，梗係唔可以錯過啦！😎

上次食過黑松露味，

今次就試下辣肉腸啦！

四方形嘅酥皮批底，

好似酥皮湯上嘅酥皮一樣，香軟酥香，

辣肉腸舖滿整個比薩應，好足料！

加上三色椒、菇菌和芝士，

口感豐富，值得一試！

Pink Lemonade

粉紅色 lemonade真係好滿足少女心，

小妹十分滿意！😂

用新鮮檸檬汁自家製，檸檬味實在，

唔會「死甜」，不錯！😏

地址：

16 Shell (天后)

天后炮台山蜆殼街6-16號寶榮大廈地下B舖

營業時間：

星期一至四 12:00-22:00

星期五至日 12:00-22:30