遠離塵囂嘅Omakase，適合慶祝紀念日！😎

每次送小妹返西貢，

都總會經過白沙灣碼頭，

原來個到有間酒店，

酒店裏面仲有一間主打廚師發辦Omakase嘅隱世日本🇯🇵料理餐廳—「食之劇場餐廳」，

雖然見到個餐廳名有d神秘，

完全諗唔到係食咩，😂

但係網上見到都頗有人氣，

就帶小妹黎試下呢個「劇場」有幾巴閉啦！

餐廳環境隱世幽靜，

有種與世隔絕嘅感覺～

店內裝潢以木色為主，

有一大片落地玻璃，

可以欣賞遊艇與海景，

有鋪了榻榻米嘅和室，亦有壽司吧檯和卡座位。

甫入座，店員就為我地倒左兩杯水，

並介紹呢到用嘅水都係黎自日本—世界自然遺產白神山地出產嘅礦泉水，

白神山地係幾乎未經過人工修繕嘅山林地帶，山泉水清澈甘甜，屬礦物質低的軟水。

嘩，真係好pro！☺️

搞到好期待！

唔知烹調出黎嘅食物會唔會特別有「日本味」呢！😂😂

餐廳於午市和晚市只各提供一款套餐，

切合「劇場」嘅主題，

呢到每一道菜都會如同一幕幕精彩表演上演～

我地揀左最平嘅精選和食晚宴—「海」（$600），

有前菜三點、刺身兩點、 茶碗蒸、燒物、手卷、椀物、甜品。

第一道頭盤已經好驚喜！😍

店員為我地揭開序幕，打開神秘嘅小木盒， 

煙薰味四散，聞得出係用左蘋果木煙薰，

裏面有前菜三點， 

京都豆腐、水雲土佐啫喱、蒓菜長芋兩杯醋，

京都豆腐好滑，

都係以白神山水製作，

上面仲有鮮湯葉，即腐皮，

腐皮豆味香醇，

加上微辣惹味嘅日本明太子，形成強烈對比～

水雲土佐啫喱

啫喱上面有兩片秋葵，

水雲即係日本髮菜，調味偏酸，

幾有趣嘅口感！😌

水晶杯裏面係秋田縣嘅長芋，即新鮮嘅山藥，

加上蓴菜醋汁，

口感爽滑，酸酸地，好醒胃！

第二道菜就係刺身兩點，

食之前，先來一碟店家自製嘅白醬油，

目的係令食材保留原色。

是日嘅刺身為來自東京灣嘅金目鯛和🌟推薦❗️岩手縣嘅生蠔，

生蠔淋上自家製蕃茄汁，

突出生蠔嘅甘甜味，

海水味淡，入口超creamy！😙

金目鯛厚切，鮮味爽口！😌

🌟推薦❗️北海道海膽鰻魚蒸蛋

茶碗蒸上放左一大片海膽，感覺特別矜貴！😍

海膽甘甜味美，

茶碗蒸加了特別炮製嘅芡汁係蛋面，

令蒸蛋口感更滑溜！

係蒸蛋裏面仲藏有兩三件東京灣鰻魚，好足料呀！😋

甲羅燒配多士

同一般只有蟹膏嘅甲羅燒不同，

「劇場」呈現嘅係用上湯煮過嘅啖啖松葉蟹肉嘅甲羅燒，

加左卜卜脆嘅蟹籽，更添口感！

配香脆多士一流！👍🏻

不過小編都係比較鐘意多1d蟹膏係裏面，感覺味道會更香濃呢！🙊

花竹蝦天婦羅🍤手卷

紫菜幾香脆，

配上剛炸好嘅花竹蝦天婦羅，

外皮香脆，厚肉爽彈！

椀物係豆腐海帶味噌湯

🌟推薦❗️甜品係水信玄餅、最中配雪糕、北海道雷電赤蜜瓜

從淡到濃，

水信玄餅配黑蜜糖，

配上香甜嘅十勝紅豆，

仲要加左金箔作裝飾，零舍矜貴！😏

菊花形嘅最中係日本傳統餅，

加埋小編同小妹至愛嘅牛油果🥑雪糕，

製成了雪糕三文治，

正！無得彈！😋

最後北海道雷電赤蜜瓜，

香甜美味！

整體來說，

餐廳環境優雅，

服務、食物有質素！

下次再黎食過返尋味！

地址：

食之劇場餐廳 (西貢)

西貢白沙灣碼頭酒店地下

營業時間：

星期一、三至日：12:00-14:00，18:00-22:00

星期二休息