鉄板焼きOmakase，超值！😎

小妹最愛吃日本🇯🇵料理，

最近發現灣仔新開業嘅日本料理餐廳「福川鐵板燒日本料理」做緊promotion，

梗係要黎試下啦！😏

「福川鐵板燒日本料理」主打お任せ（Omakase）廚師發辦，

入到餐廳，

原來再細分食傳統日式以刺身、壽司為主，

還是鐵板燒－鉄板焼き（Teppan-yaki）。

我地揀左食鐵板燒，

因為omakase食鐵板燒並不常見，😜

最重要係個期間限定優惠僅限於鐵板燒，😂

現凡惠顧晚市鐵板燒，

則免費獲贈北海道海膽杯(原價$358)乙份，好正呀！😎

我地揀左中間價錢嘅鐵板燒套餐—松Matsu（$1280），

先付 前菜三點

胡麻豆腐將芝麻和葛粉結合，

軟滑得入口即溶，香氣四溢～

八爪魚🐙漬物酸甜醒胃，

小妹最欣賞呢道南瓜凍湯，🌟推薦❗️，

金黃色的，加上超細粒超q嘅蕃茄仔，賣相不錯，

南瓜味鮮香味美！😋

🌟推薦❗️北海道海膽杯

採用新鮮日本北海道海膽，甘香清甜，

配上入口即溶嘅吞拿魚蓉，

加上飽滿多汁嘅三文魚籽，

係最完美嘅配搭！😋

🌟推薦❗️帆立貝

店員為我們揭開序幕，打開神秘嘅玻璃蓋， 

煙燻四散～好精美嘅擺盤！一定要相機食先！😍

帆立貝用核桃木煙燻過，

帶子微焦，完美地保留本身肉汁，

配上蕃茄沙沙和有機墨西哥尖椒汁，

微辣清爽～幾惹味！☺️

🌟推薦❗️甘鯛

而家「立鱗燒」真係Omakase裏好常用烹調魚嘅做法，

將甘鯛嘅魚鱗燒得「站起來」，

魚鱗立層層交疊，猶如蜂巢立面，

魚鱗酥香脆，魚肉則保持軟嫩，

配上鮮香嘅甘荀汁，

店員仲教我地食用之前可以lur一lur紫蘇花，讓花瓣散落，和魚肉一起品嚐，

紫蘇花嘅香氣係口腔爆發～😌

🌟推薦❗️大蝦

鐵板燒大蝦，擺盤有如法國餐嘅精緻～😍

店員教我地食左蝦身先再食蝦頭，

因為要先品嚐蝦身嘅鮮味，再品嚐蝦膏飽滿嘅蝦頭～😏

蝦肉鮮甜爽彈， 

可以蘸上旁邊那一抹黃，味道微酸嘅荷蘭汁一起吃，

蝦膏濃郁味美！😋

粒貝

肉質爽脆彈牙，

加上柚子泡沫，令粒貝更鮮味！😌

食完之後，

店員悉心為我地呈上🍐香梨雪葩，

等我地清一清味蕾品嚐下一道菜式。

美國🇺🇸牛肉薄燒

牛肉外皮煎得焦香，

內裏保持粉嫩色，軟嫩多汁，

包住洋蔥、炸蒜和香蔥，

味道、口感更上一層樓！

旁邊仲有山葵、海鹽可作調味。

黎到鐵板燒嘅尾聲，

少不了有傳統嘅高菜炒飯、麵豉湯～

炒飯粒粒分明，

簡單地以雞蛋絲和酸菜做配料，

都已經好好味！

附上漬物：酸黃瓜、香甜嘅牛蒡、惹味蒜頭，

送飯絕配！👍🏻

甜品係日本🇯🇵哈蜜瓜、蜜柑啫哩和朱古力餅

蜜柑啫哩有香甜嘅蜜柑肉係裏面，清香味美！

哈蜜瓜香甜馥郁，又好juicy～😌

自家製朱古力布朗尼有香濃嘅朱古力味，不錯吃！

地址：

福川鐵板燒日本料理 (灣仔)

灣仔駱克道33號萬通保險大廈地下A號舖

營業時間：

星期一至日：12:00-15:00，18:00-23:00