同舊同事聚舊,
佢話食過咁多間韓式燒肉,
就「OPPA韓國燒肉店」最深得佢心,😏
雖然要單點,比燒肉放題貴少少,
但勝在肉有水準,
有時仲會有套餐優惠,都算幾抵食喎!
每一張枱都會有麥茶和簡單醬料(燒肉汁、辣椒醬、生蒜、鹽),
三碟前菜:海帶、泡菜、芽菜
另外仲有一籃新鮮生菜,用黎包燒肉食,
係韓國🇰🇷燒肉傳統食法,
咁就會無咁油膩啦!
食完仲可以免費添加!😏
除咗前菜外,
仲有免費任加嘅爐邊蛋,
整爐邊蛋之前,
Oppa會先加泡菜係底,
更增添口味和口感,
蛋香滑味美,正!😎
🌟推薦❗️黑毛豬拼盤($318)
有五花腩、西冷扒和豬鞍,
嘩,份量好足!
五花腩好厚肉,一層肥一層瘦,相間分明,幾靚,
燒得夠火候,#識食一定連皮食 !
豬皮爽彈無比,香氣四溢,食落1d都唔會覺肥;
西冷扒厚切,肉質柔軟,肉味香濃,正!
豬鞍係超大件!😍
仲有原條骨,肉質爽嫩多汁,
最重要有個Oppa好主動咁幫我地燒,
每件都燒至金黃色,
再剪成一件件,方便食用,服務一流!👍🏻
美國Prime特級雪花牛肉($188)
Prime等級嘅牛肉,確實不錯!
肉質爽嫩,油脂唔會太多,肉香味美,值得一試!
地址:
OPPA韓國燒肉店 (旺角)
旺角洗衣街117號建煌華廈地下
營業時間:
星期一至日:17:00-2:00
留言
張貼留言