真材實料「三姐」松記糖水💁🏻，只此一間別無分店！

松記糖水大家可能聽得多，但「三姐」松記（下稱三姐）又聽過未？

好多人唔知會以為「三姐」係假松記，

但其實「三姐」同松記，其實又係和譚仔三哥同譚仔同一個兄弟不和，自立門戶的故事。

所以小編覺得松記無真假之分，計我話最緊要好食！😏

松記我好耐之前食過一次，

因為一大班朋友在銅鑼灣唱完k後宵夜別無他選，

但試完一次之後就無再返轉頭，因為食物質素真的不行🙈🙊。

而「三姐」大不同是最近和一個住長沙灣的小學同學聚舊時大揭秘的。

當時佢帶我黎食我仲好反感，心諗：「唔係下嘛？專登去深水埗搵你，你帶我去「中伏」！👺」

原來，這時才知道，此店不同彼店。😯

我們來得早，只是晚上7點，所以店裡還沒有太多食客，但據同學說「三姐」晚上是非常熱鬧呢！

這裡的甜品傳統和新式的糖水都有，適合老少咸兒，👴🏻👵🏼👦🏻👧🏻

我們作為係芋圓都會試的芋圓迷，就點了一碗芋圓丸（$38）share食，見店裡連近年大熱的紫薯甜品都有，所以就點了紫薯撈河（$32）。

芋圓丸（$38）

一碗便有芋圓、地瓜丸、芝麻湯丸、明珠、薏米等多種材料，份量十分足料。

芋圓和地瓜丸煙煙韌韌，芝麻湯丸又流心。😙

最特別的是「三姐」以芋泥作為糖水底，一食便食得出芋泥是自家製，濃稠滑溜，感覺比坊間賣的芋圓糖水更顯心思。😳

雖然價錢也比坊間貴少許，但芋圓材料咁足，貴少許都有道理呀！

紫薯撈河（$32）

甜品中的撈河粉，雖然idea不算新穎，但紫薯口味的撈河就第一次見。👀

河粉上面的紫薯蓉及紫薯粒份量十足，

紫薯軟腍香甜，百分百紫薯原味，甜度適中，又不會太甜膩，

而且河粉仿真度高，激似真河粉。

但比真河粉更粗身，咬落去爽口彈牙又有椰汁香，口感像蒟蒻。😋

與椰汁和紫薯蓉拌勻一起吃，真的很滋味。☺️

整體來說，

和開很多分店的松記糖水相比，「三姐」堅持自家製的糖水質素真的好得多，👍🏻

「三姐」糖水真材實料，性價比高，值得食過返尋味。😙

地址： 三姐松記糖水 (深水埗)

深水埗元州街151號地下

營業時間：星期一至日：14:30-01:30