和肥妹去開寵物街睇狗狗🐕🐩🐈🐇🐿,
順便就去「泰廚」食個泰國菜。
「泰廚」在油尖旺區都算出名,好評又多,每次經過都會見到好多食客在門外排隊等位。
今次係小編第四次食「泰廚」了,
每次黎,都會被門外的香噴噴的串燒味所吸引,
所以基本上串燒是必點的!🙈
我們叫了兩串沙嗲串燒(豬、雞)(每串$12)
豬肉和雞肉的串燒都燒得剛剛好,火候十足!
肉質保持嫩滑多汁,絕對唔會「嚡」。
最重要是秘製沙嗲汁十分惹味😋,令我每次食都停不了口!
唯串燒不太夠熱,只是微溫,😟
但食過咁多間泰國菜,「泰廚」串燒算是做得比較出色。👍🏻
泰式酸辣鳳爪沙律($72)
見到隔離枱食得津津有味,小編又好想食🙈,所以就叫了一客。
一客都算幾大份,有十多隻之多,份量十足!
再加上秘製酸辣汁辣得相當惹味~
酸酸辣辣,作為前菜真的讓人很開胃!😆
泰式炒金邊粉($68)
回憶返上次食炒金邊粉,整碟都有陣燶味😟,非常失望(可能因為太多食客太多order,一次過炒點知全部炒燶了😞)
但今次的金邊粉卻大有改善,
炒金邊粉甜中帶微酸,
和多種配料如嫩雞肉、鮮蝦等一起炒,口感豐富!😋
馬拉盞炒通菜($67)
新鮮通菜口感爽脆,馬拉盞味道又夠晒惹味,
有時出街叫點青菜總是感覺比較健康。🙈
椰青($38)
差不多每次食泰國菜,小編都會點一個椰青,清甜解渴!唯價格有點兒貴😩
青檸梳打($20)
原枝泰式梳打由食客自己添加,
唯青檸份量只有兩片,味道不太夠。
整體來說,
「泰廚」食物烹調大有改善,尤其是炒金邊粉味道有很大的進步。
值得一讚的是,串燒每次食都keep住其惹味香口的水準,😋
但願食店keep住其食物質素,不會因為食客多就保持不了應有水準。
地址:泰廚泰國菜館 (旺角)
旺角通菜街126號地下
營業時間:星期一至日:07:00-02:00
留言
張貼留言