在openrice見到位於大角咀的九龍珀麗酒店推出了一個海鮮自助晚餐優惠，
只要早5天前預訂，
平日就可以以優惠價成人＄288或小童及長者$188 享用原價＄368的自助晚餐，仲要包埋一，好抵呀！😍😍😍
由於媽咪係大角咀上班，當然要孝敬下媽咪啦！
小編早一星期book了枱，晚上7時準時到達，跟職員確認人數後便入座。
餐廳環境以簡潔的白色為主，
我見人數較多會被安排坐到私人梳化位，感覺很高尚優雅✨，
至於中間的餐桌之間都有適當的距離，不會太逼迫，出入攞野食都非常方便。👍🏻
光猛燈光令食客看清楚食物的模樣和整潔度，
去食自助餐最怕環境昏暗，連食物的新鮮度都無法從肉眼👀判斷，
而「協奏坊」在環境上就給我良好印象。
這裡的☕️熱茶咖啡都是可以任飲的，
其他汽水、果汁都要額外收費＄28。
還有🍺生啤供應，＄38杯，價錢都算合理。
今期九龍珀麗酒店的海鮮自助晚餐主打歐陸風情，海鮮和多國美食都可以同時品嘗到。
小編最期待的就是海鮮，
海鮮吧上放了幾盤滿滿的海鮮小山丘，
種類豐富，有原隻膏蟹、長腳蟹腳、蜆、凍蝦和秘製醬魷魚等，
最令我着迷的就是長腳蟹腳，🦀
剪開之後啖啖肉，鮮甜美味，讓人食到停唔到口！😋
第二最愛莫過於膏蟹的蟹蓋了！蟹羔豐腴滋味，必試呀！👍🏻
蟹件蟹肉也相當豐厚，但味道比較淡，要仔細品嘗才可以吃得到。
旁邊還有多款涼拌和沙律任均選擇，
秘製醬魷魚，鹹香得黎有嚼勁。
涼拌豬耳，酸辣爽脆幾開胃。
冷茄子，配上日式芝麻醬汁，軟腍滋味。
款式比較特別的是熱情果芝士蟹肉慕絲，賣相精緻吸睛。👀
金黃色的熱情果蓉甜中帶微酸，
加上混合了粟米、青椒和芒果肉等的蟹肉慕絲，食落感覺好清新。
沙律方面，
有凱撒沙律、油醋沙律可選擇，還有多種配料如粟米、蕃茄、菠蘿等可自由添加。
去食buffet，點少得生蠔呀？！😏
生蠔吧有位駐場師傅逐隻逐隻蠔幫你開，以確保生蠔新鮮和衛生。
每人每次只可拿兩隻生蠔，但排隊的人龍清得都算快，所以排多幾轉都唔會話等好耐。
而且生蠔大細適中，入口肥腴鮮味，微微滲透着海水味，正！👍🏻小編一個人食左十幾隻。☺️
生蠔的旁邊就是刺身、卷物和壽司吧，
刺身款式不多，每天有3款，而當日我們有三文魚、吞拿魚和希靈魚，🐟
刺身都算新鮮，三文魚魚肉肥美，入口鮮甜可口，吞拿魚雖不肥，但勝在沒有筋。
卷物和壽司種類，大概有10款，
有三文魚、蝦、燒三文魚、鰻魚、墨魚、玉子等，
我就覺得壽司味道不錯，魚生部分都新鮮。
至於熟食方面，有多國菜可以選擇，
有薯仔芝士蛋批、意粉、泰式豬頸肉、紫薯薯餅、吉列大蝦等，
而當中的泰式豬頸肉小編就最為欣賞，
厚肉的燒豬頸肉配上泰式酸辣汁，幾惹味！😋
湯品方面也有中西兩款，西式有
中式就有秋季節性限定的蛇羹，
材料非常豐富，有冬菇絲、筍、蛇肉等，雖然比不上蛇王X的蛇羹，但都算不錯！🙈
而大部分菜式都以葡國菜為主，
有葡式乳豬焗飯、香辣沙甸魚、焗葡國雞農夫包、葡式辣肉腸薯蓉、馬介休球、馬介休炒雜菜等。
值得一提的是葡式乳豬焗飯🐷，
真的原隻乳豬放在飯上面，😯
乳豬烤焗得香口脆皮，糯米飯吸收晒乳豬的油香，更添滋味。
既然是主打歐陸風情，那🧀芝士一定不少不了。
先選食材（洋蔥，黑橄欖，酸青瓜，長通粉，燒賣，農夫包和韓式炸雞），再由師傅即場熱熔芝士並放到食材上。
芝士是Raclette Cheese，芝味濃郁，值得一試！👍🏻
近乎尾聲啦！去生果吧食下解胃果先，有西瓜、密瓜和菠蘿🍉🍈🍍。
食完咁多野，仲未夠喉？！
食埋甜品就一定夠啦！😏
甜品方面，款式也相當多，
有葡撻仔、芒果布甸、一口Brownie、楊枝金露和各款蛋糕等，
除此之外，還有玩得又食得的自製Pancake。
但最令我驚喜的是葡撻仔，😍
酥皮香口鬆脆，蛋漿甜度適中，絕對是上品質素，我還吃了三四個呢！😂🙈
焦糖燉蛋也相當不錯！
香甜軟滑燉蛋，裡面匿藏着數之不盡的雲呢拿籽，可見其真材實料！👍🏻
食自助餐，怎少得雪糕呢？🍦
與眾不同的是，「協奏坊」所供應的是坊間不常見的Movenpick雪糕，還有4款口味呢！😳
平時食一杯都要$30，食多幾球都已經回晒本啦！😂
旁邊有自由添加的棉花糖、杏仁片等增添雪糕口感，正正媽咪就最愛雪糕加杏仁片，搏得到佢歡心！😆
整體來說，
「協奏坊」的食物、環境和服務質素都很有水準。
海鮮夠新鮮，熟食又滋味，甜品又唔馬虎，
值得一讚的是食物Refill得快，碟又收得快，
職員只要一察覺食材快要沽清時便會立即添加，真的很貼心服務！😌
$288就可以食到一個「蠔」華自助餐，夫復何求呀！
地址：協奏坊西餐廳 (大角咀)
大角咀大角咀道86號九龍珀麗酒店2樓
營業時間：星期一至日 06:30-23:00
留言
張貼留言