一到冬天，無雞不歡的小編又周圍去食雞煲火鍋啦！🙈😂
山林道眾所週知多美食，
最近得知有間新開的餐廳又有雞煲又有火鍋，仲要任飲任食，連海鮮都可以任食，梗係要試下啦！😍😍😍
平日火鍋不限時，😇
星期五、六、日或公眾假期才限時2.5小時，另外每位加$10。
我、小妹和朋友三人一起來，
我們預早幾日book左位，八點半準時到，
但只剩兩張空桌，看來餐廳都頗受歡迎呢！😏
餐廳在裝潢上是簡潔實戰型，沒有花巧的裝修，只有木製桌子和膠椅子，
我們被安排坐到中間位置，坐位都算寬敞舒適。
靠牆座位更設有抽風系統，食完就唔怕成身一陣「雞煲味」啦！😂🙈
飲品方面，除了啤酒以外，汽水、各款罐裝果汁和茶都是任飲的，
值得一提的是店家非常有心思，❤️
連自家制雪梨茶和蜂蜜菊花茶都有提供，而且標榜為自家煲製，低糖又健康！
我個人來說就比較喜歡蜂蜜菊花茶，微甜潤喉，打邊爐咁熱氣，梗係要飲返杯清熱解毒！😋
先食雞煲，
雞煲有五種辣度可以選擇，因為朋友不太吃得辣，所以我們選了微辣。
秘製醬汁香濃微辣，而且加入大量洋蔥和芫茜，香氣四溢，
雞件都算多，肉質嫩滑入味，幾惹味！😋
食完雞煲，就到打邊爐時間啦！🍲
先說湯底，
原來兩位以上便免費送龍蝦蕃茄湯底，
原隻龍蝦上桌毫不吝嗇，肉質爽口彈牙，真係幾抵食！😳😳😳
雖然這個龍蝦湯並不是味道濃郁的那種，
而是中式湯水般柔和地散發出龍蝦和蕃茄的清甜，
配海鮮就最適合，能夠保持海鮮原來的鮮味。
海鮮拼盤
每天都有7至8款海鮮供應，
款式是視乎每日有咩新鮮海鮮而定，而份量是按人頭計的。
是日精選海鮮我們有鮑魚和蟶子皇，
鮑魚上桌時還是活的會動的，😳
蟶子皇有一隻手掌咁長，✋🏻好正呀！
店員好貼心地提示我們涮海鮮的適當時間，
鮑魚涮一分鐘，蟶子皇涮兩分鐘，
咁就唔會overcook啦！🙈
時間剛剛好，真的很鮮甜！😋
其他海鮮如蠔、青口、蝦、蜆、鮮魷魚都不錯，
雖然部份為雪藏貨，但沒有雪藏味。
而當中最令我驚喜的倒是膏蟹🦀，蟹膏豐腴，味道甘香鮮甜。
各種海鮮配上清甜的龍蝦湯更能帶出海鮮的原汁原味呢！😌
值得一提的是，是日精選海鮮：鮑魚和蟶子皇都不是任食的呀，其餘的才是，店員會詳細介紹呢！
食完海鮮，便可以食其他火鍋配料了！😉
這是兩碟便是三人份量的安格斯肥牛，
牛肉偏瘦，牛味足，肉質軟腍，
可惜這不屬於任食項目。
如果真的愛吃牛肉的話，可以選擇叫肥牛呢！肥牛是任食呀～🙈
其餘的火鍋配料還有各式丸類、餃子、腸類和蔬菜等，
其中比較特別的是印有Minion的卡通芝士包，
Minion粉不可錯過呀！😏
嘩好得意呀！😍😍😍賣相和味道都非常了得！
一咬下去，🧀芝士便爆曬出黎，芝士迷必試～
而小編也是第一次見到拎台灣腸去打邊爐，
感覺幾新穎呢！沒有煎的油膩感，都可以一試。
值得一讚的是還有小編最愛吃，但並不常見的蟹子丸和芝士魚蛋呢！👍🏻
除此之外，餐牌還有其他配料可任點呢！
所以我們點了響鈴和韮菜餃，
自家製響鈴
雖然響鈴有一兩層，但勝在大大件，
食落感覺沒有用太多油炸，感覺不會太油膩和飽濟。
韮菜餃
自家包製的餃子皮薄餡多，
小編最愛多菜少肉，所以覺得不錯！🙈
唯餃子皮很容易便散開。
整體來說，
同人鍋的食材、湯底都相當有水準，
每人$288加一，價格都算合理。
又食雞煲又食火鍋，一次過滿足曬兩個願望！☺️
火鍋任食常見啦，但最重要同人鍋係連雞煲都可以無限量任食，
無雞不歡的我真係覺得身處係天堂一樣！😎
不過如果可以將所有任食配料都改為自行落單形式會更好，
因為店家一開始上太多丸類，太飽濟了！🙊
而且不是每一個人都會吃所有丸類，
所以我們最後都係食唔晒d丸。😟
地址：同人鍋 (尖沙咀)
尖沙咀山林道29-31廣利樓1樓及地下4A號舖
營業時間：星期一至日 17:30-23:30
留言
張貼留言