見有blogger介紹位於葵廣 1 樓死角位的「魷味」，
睇相感覺又幾吸引～
咁岩去開附近工作，收工後便帶愛吃小食的肥妹來試試。🙈
雖然已經到了晚上8點吃晚飯時段，
但門外仍然堆滿等食物的食客，
我想有不少食客都打算掃街當晚飯呢！😂
食物款式從門面上看已一目了然，
款式不外乎幾款，如玉子燒、大阪燒、燒魷魚、西多士和酥炸壽司等。
小編最愛吃蛋，所以當然選玉子燒啦！☺️
每份玉子燒本身已包含芝士、粟米和蟹子3款配料，
並可從蟹柳、煙肉、火腿、白蘑菇和龍蝦沙律再額外選擇多一款材料配搭，
於是我們便選了蟹柳。
Order時，店員已提醒我們由於玉子燒是即叫即製，
所以需時，連同等候前面的order，要等候20分鐘，見店員言之鑿鑿，我們便欣然接受，
然後便去了附近店舖逛逛再回來。
20分鐘再多等了一會，我都是可以接受的，
可惜等了30分鐘還未到我們☹️。
然後問題來了！！！
有些食客因爲等太耐行開左未返黎，
我前一個order同樣叫蟹柳玉子燒，但叫左5分鐘以上都未返黎攞，食物就一直擱置左係到咁耐。
由於我們是下一個號碼，老闆見order遲遲都未攞，竟然便叫了我們的號碼攞左先👿。
我見擱置左咁耐，我問老闆可唔可以唔要呢份，呢份擺左好耐，我想等屬於自己個份，但佢無視我！🔥
好啦你贏！👏🏻
為免被加料，我就算啦！
不過以後唔會幫襯，並呼籲各食客要小心！
難為老闆，玉子燒、大阪燒、燒魷魚都是他一個人做，order出得慢我都算啦！但出order的方式我無辦法認同！💩
再加上衛生好有問題，因為有10分鐘以上我都係從旁觀看煮野食的過程，
店員收完錢便隨即徒手拿鰹魚絲灑上大阪燒，我慶幸自己唔係叫大阪燒。🙊
平時食肆總有些污糟的地方，但至少我睇唔到，眼不見為淨。
但而家係明目張膽地被我見到……☠️
講返玉子燒，
不論選什麼配料，全部一律$28，價格都算合理。
但此玉子燒非「日系玉子燒」那般厚切和蛋味濃，
店家只是將兩三層厚薄不一的煎蛋中間夾少量配料便捲在一起，
而且沒有應有的蛋味，煎蛋又過熟，味道和口感都只是勉勉強強。😟
有blogger說「邪惡」玉子燒是建基於芝士拉絲夠邪惡，
但實際上我個份完全拉不起絲，好失望！👎🏻👎🏻👎🏻
唯玉子的外層灑了不少蟹籽，都算加返分數。
但整體來說，
「魷味」不論在食物上或食物衛生上都不合格！🙅🏻
不可一不可再！
愛吃玉子燒的朋友，不妨試試小編最愛的貨真價實又有gimmick的荃灣「煙燻玉子燒」吧！
無謂浪費時間在一些扮玉子燒的店舖身上。
地址：魷味
葵芳葵富路7 號葵涌廣場1樓 B01C 舖
營業時間：12:00-22:00
留言
張貼留言